Kar hmasa zirtawpni, November 25, 2016-a Mizoram Baptist Kohhran Nomination Committee Meeting, BCM Committee Hall, Serkawn-a neih chuan Baptist Higher Secondary School Principal 2016-2019 term atan Upa Lalrinmawia chu a ruat fel a. Amaherawhchu,  Assembly Executive Committee, January-ah pawmpui tura thlen leh a la ni ang.

2016-2019 Term atana BHSS Principal atana ruat, Upa Dr. KL Biakchungnunga chuan a Post luah hman lova damlohna-in a tlakbuak avang leh, beisei loh taka Ropuina ram min pan san tak avangin Vice Principal ni mek, Upa Lalrinmawia hian Principal Charge a  la mek a ni.

Nomination Committee Meeting hian Kum 2017 BCM Assembly, Lunglei Chanmari-a neih atan chanvo nei tur te a ruat a, tin, Kum 2017-2018 chhunga BCM aiawha Palaina hrang hrang-a palai tur a ruat fel bawk.