December 9, 2021 (Ningani) khan Baptist higher Secondary School, Serkawn chuan, a din tirh atanga kum 60-na (Diamond Jubilee) lawmna kharna Inkhawm (closing Function) chu BCM Hall, Serkawn-ah an hmang.  He Diamond Jubilee kharna Inkhawm hi Upa R. Lalneihthanga, Vice Principal leh Pu R. Vanlalthiana, Teacher, BHSS ten an kaihruai a, Rev. L. Vanlalsanga, Director, Education Department-in Pathian hnena lawmthu sawina leh inkawltirna hun a hmang .

He hunah hian Upa R. Zosangliana, Principal ni lai leh Upa R. Lasawia, Principal hlui ten  thu an sawi. Inkhawm ah hian BCM President, Rev. Dr. V. laldingliana’n BHSS Diamond Jubilee Souvenir a tlangzarh a, Pathian fakna hla Bethsy Lalrinsangi leh Stacy Remruatkimi Poonte te hnen atanga ngaihthlak a ni a. Hun tawp ah Upa ZD Lalnunmawia, Vice Principal, BHSS (Jr. Section) in lawmthu a sawi bawk.

Baptist Higher Secondary School, Serkawn hi February 8,1961-ah Serkawn Christian High School tih hming puin din a ni a. Zosap Missionary Rev. RF Tucker chu Principal hmasa ber a ni. Kum 1996-ah Higher Secondary-ah hlan chhoh niin a hmingah Baptist Higher Secondary School, Serkawn tiin thlak a ni a.

Tun dinhmunah BHSS ah hian Nursery atanga Class XII thleng zirna awmin, zirlai naupang hi 1000 chuang zet an awm a, Zirtirtu leh thawktu zawng zawng hi 80 chuang hlek an awm bawk a ni. Related Topic: Baptist Higher Secondary School, Serkawn