Upa CS Zawna hriatreng nana a tu leh fa ten an donate Sona Pui chu BHSS Junior Section, Serkawn, Lungleiah hawn a ni a. He sana hi a diameter ft 6 niin Mizorama Sona lian ber nia hriat a ni.
Sona Pui hlanna inkhawm hi Upa R. Lalrinmawia, Principal BHSS in a kaihruai a. Chhungkaw aiawhin Pi Lalneihthangi, Upa CS Zawna fanuin thu a sawi a. BHSS Vice Principal leh Upa CS Zawna tupa nibawk Pu ZD Lalnunmawia'n report a pe a, Upa C. Sangliana Pu CS Zawna fapa-in thilpek hlanna neiin BCM Gen Secy Rev F. Ramdinmawiia kutah a hlan a, ani hian Sona Pui Install na hun a hmang nghal a, Rev R. Zohmingliana, Director, Education, BCM in Pathian hnena hlanna a nei a ni.
Mizorama Sona lian ber nia hriat he sona hi Rs Nuai 1.3 senga bun a ni a, GPS Synchronised niin a hriatthiam awlzawngin he sona hi Satellite hmanga mil a ni. He sana hi a ninawm lo tur angin zing dar 6 leh tlai dar 6 a ri thin tura ruahman a ni a, Zing lamah "I rinawm ropui zia" tih hlain a ri anga, tlai lamah "Kan Pathian
, kan puipa pangngai reng" tih thlukin a ri thung ang.
He Son Puichungah hian Zosap missionary Rev H.W. Carter (Pu Kara) Weather Clock chu tuai thara dah a ni a. He weather clock hi kum 50 chuanga upa ni tawhin Wind direction hriattheihna leh compass te a awm a ni.
Upa CS Zawna hi April 13, 1914 a Lungmawia piang a ni a. Sorkar leh kohhran hnuaia kum 43 rinawm taka a thaeh hnuin kum 1978 khan Headmaster Serkawn Middle School niin a pension ta ani.
Mi inthunun thei, mi dik, hun vawng dik leh thil chhinchhiah thei nia sawi Upa CS Zawna hi kohhran ban pawimawh tak a ni a. Nihna pawimawh tak tak chelh tawhin Lehkhabu 10 a ziak a. Chawimawina hrang hrang dawng tawhin National Teachers Award a lo dawng tawh a, ziak lama a sulhnu avangin Mizo Writers Association leh Mizo Academy of Letters ten an lo chawimawi tawh bawk a ni. Upa CS Zawna hian June 25, 1993 khan chatuan ram a lo pan tawh a ni.
Src: Gilbert Renthlei @ Lunglei Chanchin Thar
