Vawiin 7 May 2015 chawhnu dar 1:00 khan Baptist Higher Secondary School Serkawn chuan tun hnaia HSLC Result chhuaka Topper leh 3rd position an neih avanga lawmthusawi inkhawm BHSS Tucker Hall-ah an nei a. Khuallian-ah Pu Joseph Lalhimpuia, Parl.Secretary, School Education hman a ni.

He Inkhawm hi Upa KL Biakchungnunga leh Nl Laldinpuii Chhangte ten an kaihruai a, Pu C.Lalhmingmuana, Principal-in Welcome Speech sawiin khuallian Pu Joseph Lalhimpui bakah he School

atanga top 10 a lang Jennifer Vanrammawii leh C. Lalnunfeli ten thu bawk. Bethsy Lalrinsangi leh CR Laldingliani ten fakna hla sa-in Rev H.Lianngaia General Secretary, BCM in thuchah tawi a sawi bawk. Inkhawm ban-ah sawmbik te pualin zanriah an kilho nghal.

Kumin-a MBSE-in HSLC Result a tih chhuah-ah khan Baptist Higher Secondary School, Serkawn chu an ti tha hle a, Top Ten- 2, Jennifer Vanrammawii (Pakhatna) leh C. Lalnunfeli (pathumna) te neiin School result dinhmun chu hetiang hi a ni: -

Exam - 81

Passed - 78

Distinction - 16

I Div - 35

II Div - 20

II Div - 7

Letter hmu - Mi 47.