Baptist Higher Secondary School, Serkawn[/caption]
Baptist Higher Secondary School, Serkawn chuan Science zirna tih changtlun nân Atal Tinkering Laboratory fund Nuai 12 an hmu a. He sum hi Laboratory equipment leh room maintainance atâna hman chhoh mêk a ni. Hei bakah hian activities hrang hrang neihna tûr atâna tih a ni bawk. Tûnah hian hmanruate phai lam atanga install tûrin room buatsaih hna hi thawh mêk a ni. Tin, Higher Secondary Science zirna tih changtlun nân BLISS atangin fund dawng tûra thlan a ni tawh bawk a, thil tûl ang te bawh zui zêl a ni bawk.
Hei bakah hian School Building Block II hi sak that tûra tih a ni a, kohhran tinin Pathianni zing vawikhat thawlâwm appeal siam a ni bawk a, tûnah hian Rs 460,000/- chuang hlek hmuh tawh a ni. Pe thei chuan i pe zêl teh ang u. Building hlui hi a zâtve thiah tawh a ni a..Sawrkâr lam atangin tanpuina hmuh beiseiin dîl a ni a, hlawhtling ngei tûrah an inngai a ni.
Baptist Higher Secondary School, Serkawn hian zawi zawiin hma a sawn chho ve zel a, kumtin zirlai admit sen loh an nei thin a. Kum engngemaw chhung kalta atang khan HSLC leh HSSLC-ah Top-ten a lang an nei deuh ziah a ni. Tunah hian BHSS Junior Sectionah zirlai 1000 vel neiin High School leh Higher Secondary Section-ah pawh zirlai sang chuang zet an awm mek a ni.
[caption id="attachment_12462" align="alignright" width="720"]
Gathering[/caption]
