Mizoram Baptist Kohhran chuan September 21 zan atang khan Beirual thuzir chu tanin, karleh nilai zan thleng hian Beirual thuzir hi neih a ni ang.
Kan tarlan tawh ang khan kumin Beirual thuzir hi ‘Dinthar leh na’ tih niin, Rev. B. Zirsangliana ziak a ni.
Covid 19 hrileng avangin Kohhran inkhawm leh thil tih khawmna lam programme siam theih a nih loh avangin Beirual thuzir pawh TV leh Internet (Youtube) kal tlangin Thuzir kaihhruaina buatsaih a ni a, hei hi Zirlai thupui leh zir hun tura ruat hunbi zelah TV leh Youtube-ah te pekchhuah thin a ni. Kohhran mi ten an hlutin chhawrtu an thahnem hle a, chutih laiin mahni chhungkuaa thuzir nei thei chhungkaw engemawzat an awm bawk a ni.
September 26 (Inrinni) zanah hian Upa T. Lalhlimpuia, BCM, Venglai-in TV kal tlangin thuzir a kaihruai leh ang a, Pathianni chhun-ah Rev C. Lalhungliana, Bialtu Pastor, Rahsiveng Pastor Bial-in “Kan ram in din thar leh na a mamawh”, tih thupui hmangin thuchah a sawi ang. Pathianni zan ah “Thilsiam dang te tana din thar lehna” tih thupui hmang in Upa R. Lalrochama, BCM, Kikawn, Lunglei, in thuzir a kaihruai ang a. Thawhtan zan ah “Kohhran inpumkhatna din thar” tih thupui chu Nl. Lalhmingmawii Chongthu, Organiser, MBKHP, in a hruai ang a, ni 29 thawhleh zan ah “Ramthim rawngbawlna din thar” tih hmang in Upa HL Liantluanga, Mission Promoter leh ni 30 zan ah “Pathianthu thlir dan din thar” tih Zirlai 10-na chu Rev. FP Lalnunrema, Manager BCO in a kaihruaiin dawn a ni.
TV Programme hi zantin dar 7:00 ah LPS 12 ah tih chhuah a ni ang a, Zonet (Rinna) Channel ah zantin dar 8:00 ah tih chhuah a ni bawk ang. Youtube lamah pawh LPS-a a chhuah hun zelah publish a ni ang.
