Kumin beirual Programme chu hrileng avangin TV leh Youtube kal tlanga Kohhran chhung tin leh mitin ten kan hman theih turin ruahmanna siam a ni a, he ruahmanna hi kohhran chhungtin ten ngaipawimaha hmang theuh turin Rev. F. Ramdinmawia, General Secretary chuan kohhran hote a ngen a ni.
Kan hriat ang in, hrileng avangin kohhran inkhawm leh programme dang te siam theih a ni rih lova, chutih laiin kum tina kohhran ho ten kan hman thin Beirual thla, September kan thleng dawn a. Administrative Committee chuan kumin beirual thla hman dan tur chungchang hi ngaihtuahin, TV leh Youtube kal tlanga Kohhran chhung tin leh mitinin kan hman theih turin Communications Department, Audio Visual Production te nen ruahmanna a siam nghal a. He ruahmanna hi ngaipawimawh a, hmang theuh turin, General Secretary, Rev. F. Ramdinmawia, chuan kohhran hote a ngen a ni.
Kan tarlan tawh ang khan kumin a Beirual thuzirย hi โDinthar leh naโ tih niin, Rev. B. Zirsangliana ziak a ni a. Zirlaibu-a zirlai leh zir hun tarlan ang a TV leh Youtube lama en theih tura buatsaih mek a ni a, hetiang hian zirlai zir hun leh zirtirtu tur ruahman a ni:
Zirlai Thupui
| Date & Days | Zirlai leh Thupui |
| 21: Thawhtan zan | Zirlai 1-na - Din thar lehna awmzia |
| 22: Thawhleh zan | Zirlai 2-na - Din thar lehna lo thlen dan |
| 23 : Nilaini zan | Zirlai 3-na - Kan ram mamawh, Din thar lehna |
| 24: Ninga zan | Zirlai 4-na -Kan ram Kristianna leh hlemhletna |
| 25: Zirtawp zan | Zirlai 5-na - Politics din thar lehna |
| 26: Inrinni zan | Zirlai 6-na - Intodelh tura din thar lehna |
| 27: Pathinni zing | Sermon - Kan ramin din thar lehna a mamawh |
| 27.Pathianni zan | Zirlai 7na - Thilsiam dangte tana din thar lehna |
| 28: Thawhtan zan | Zirlai 8-na - Kohhraninpumkhatna din thar |
| 29: Thawhleh zan | Zirlai 9-na - Ramthim rawngbawlna dinn thar |
| 30: Nilai zan | Zirlai 10-na - Pathian thu thlir dan thar |
