International Women’s Day, March ni 8, 2022 denchhena buatsaih, Baptist Church Trust Association Women’s Wing (Sankalp) Summit, William Carey Hall of Celebration, New Delhi-ah 'Hleih neihna tih tawp' (Break The Bias) tih thupui hmangin neih a ni a. Mizoram Baptist Kohhran atangin Nl. Lalrammawii Thangluah, Asst.Archivist leh Nl.Lalrintluangi, Asst.Professor, HATIM te an tel.
He Summit ah hian BCTA Women’s Wing, Sankalp hruaitu thar thlanna neih nghal a ni a. BCM aiawha kal pahnih te hi Executive Committee member atan thlan an ni a, BCTA Womens’ Wing hlawh tling taka a kal zel theih nan leh hma lakna tur ruahmanna te an siam bawk. A tuk, March 9, 2022 (Nilaini)-ah Seminar neih nghal a ni. He Summit-ah hian India ram State hrang hrang atanga BCTA member Church aiawh 20 vel an tel a ni.
Baptist Church Trust Association hi Baptist Missionary Society-in India ram hmun hrang hranga rawng an bawlna-ah an property (Ram leh In) an kal san te enkawltu pawl a ni a. Kum tinin Kolkata-ah emaw Delhi-ah emaw Meeting hi an nei thin a, Mizoram Baptist Kohhran pawh hi he pawlah hian permanent member niin kum tin meeting-ah hian aiawh a tir thin a ni.
