India rama Baptist Missionary Society kal san, ram leh thil neih dangte humhalhtu pawl, Baptist Church Trust Association (BCTA) meeting pawimawh chu September 18, 2015 (Friday) hian New Delhi-ah neih a ni dawn a. BCM aiawhin President, Rev.C. Ngurhnema leh Pastoral Coordinator, Rev. R. Zohmingliana te an kal a, a hmuna awm sa Rev. R. Lalthanmawia nen an pathumin an tel ang.

Baptist Church Trust Association hi Baptist Missionary Society-in India ram hmun hrang hranga rawng an bawlna-ah an property (Ram leh In) kal san te enkawltu Committee a ni a. BMS fa hrin Baptist Kohhran thenkhat leh BMS lam aiawh telna Committee pawimawh tak a ni. Kum tinin Kolkotta-ah emaw Delhi-ah emaw Meeting hi an nei thin a, Mizoram Baptist Kohhran pawh hi he pawlah hian permanent member niin kum tin meeting-ah hian aiawh a tir thin a ni.