Pic: Church-of-God, Seventh Day Lunglei din champha vawi-37-na pualin tanpuina an pe[/caption]
BCM hmanga nauhnauchham enkawlna hna kan thawh chuan kum za hmel a lo hmu dawn hnai ta reng mai. A din tirh laia a tulna leh pawimawhna leh enkawl dante ngaihtuah chuan tuna a tulna leh pawimawhna leh a enkawl dan pawh a lo danglam ta hle awm e. Amaherawh chu la panngai reng pakhat chu Pathian hminga naupang chanhaite rilru, taksa leh thlarau chhan chhuahna rawngbawlna anihna hi ani a. BCM chuan he rawngbawlna hmang hian Pathian duh danin fahrahte enkawlin, tha leh zung sengin hna a la thawh chhunzawm renga, Johanan 14:18 thute angin, “Fahrahin ka kalsan lovang che u, in hnenah ka lokal leh ang” ti tu Pathian chu a theih ang tawkin a tarlang thin ani.
Nauhnuchham rawngbawlna chanchin kan sawi a pianga sawi lan ve tul thin chu Pi Zirtiri leh Pi Chhumi leh Pi Lalziki-te an ni fo thin. Nauhnuchham thi mai tur, Pi Lalziki hmangin ring lotute hnenah Pathian hna thawh hmuh theihin Pi chhumi leh kan Zosap Missionary Pi Zirtiri ten an tar lang a. Chumi avang chuan Mizoram, abikin chhim lamah Pathian a innghah ngamna a awmzia hmuin mi tam takin Pathian an lo rin phah a. He rawngbawlna kal zel hi kan Kohhran tan pawh malsawmna tam tak thlentu tangkai tak a la ni chho zel ani. Khawvel hriata BCM rawngbawlna tarlanna hmanraw tangkai tak, kan ram chhung ngeia ringtute thawh hona remchang siamtu pawimawh tak pakhat a la ni ti ila kan sawi sual lovang.
[caption id="attachment_9422" align="alignright" width="300"]
Lunglei Govt College Evangelical Union member then FAITH farm siam an pui[/caption]
Tunah hian BCO-ah naupang 12 (Hmeichhia 8 leh mipa 4, thla 10 atanga kum 4) an awm mek a, an zinga pahnihte hi rual ban lo an ni a, Damdawiin-ah enkawl deuh chawt an nia. Nu hi pasarih an awm a. Office lama thawktu pasarih an awm mek bawk. Nitin hna kal lai bakah BCO mamawh phuhrutu anih beiseiin chuktuah huan nghet (FAITH Garden)-te siam tan ani bawk.
BCO din tirh lai rilru chhawm zelin pawl bik thliar lovin a mamawhtute tan he rawngbawlna hi kalpui ala ni reng a. He rawngbawlna tlawmte hi Pathianin a hmangaihte a hnena hruaina hmanrua-ah hmang chhunzawm zelin Rilru, Taksa leh Thlarau chhandam ngaite chhandamna hmanrua atan a la tang ve zel a. thlahthlam ngam leh thlahthlam phal chi ani lo ani.
BCM Assembly chuan kan ram dinhmun leh mamawhna te thlir chungin BCO hmanga rawngbawlna hian nausen chauh nilo kum upa deuh zawkte enkawl tel a, nu leh pa chhungkaw belhtur nei tawh lote nu leh pa leh chhungkaw zawn sak kawnga hmalak belh a rel a. Chutiang atan tul leh mamawh atan Mizoram Sorkar, Social Welfare Department hnuaiah register ani a, tanpuina pawh min pe bawk. Tunah hian registration nghet nei tura hmalak mek ani. Sorkar hian tanpuina te pawh min pein min thawhpui nasa hle a a lawmawm hle mai, a la tawk zo lo hle a, tha thlah lova anni chauh lo pawl dang atang pawha tanpuin kan hmuh theih nan tan lak sauh sauh a va ngai em!!!. Anni ho hi BCO Kawngka thlenga tanpuina rawn thlentu angah ngai ila. Sorkar leh rorelna danin a phut leh
[caption id="attachment_9423" align="alignright" width="300"]
MNYF Lunglei ten tanpuina an pe[/caption]
theih chhung chauh min pui dawn. Tawngtai leh thil pek a BCO tana kan thawh chhunzawm a ngai reng ani. Sorkar tanpuina hi BCO rawngbawlna min tichaktu hmanraw tangkai tak anih laiin helam a kan in pekna hnuh hniam phah nana kan hman chuan a dik lovang. Joba 31:21-22 Joba’n “Kawngkaah chuan tanpuitu ka hmuh vanga, Fahrah chunga kut lek ka nih chuan…” ti a, a tarlante hi fahrahte tana kan thawh sakna kawnga rilru min siam thartu-ah ringtu mimal tinin i hmang ang u. Chuti chuan kum lokal leh zel a mamawh pung zel tur atan a mamawhtute tana kan thawhsakna tur kawng sialtu kan ni zel thei dawn ani.
