New Secretariat Complex Biak in Lungphum phum dawn
Aizawl New Secretariat Complex-a BCM Biak in hmun tur chu July 7, 2012 (Inrinni) khian Executive Secretary, Rev.F. Sangvelan a phum dawn. New Secretariat Complex kohhran hi June 24, 2007 khan Central Church atangin an indang a, tunah hian member 238 an awm. Sawrkar quarters remchangah an inkhawm thin a, Biak in sakpui tur hian Kohhran thenkhatah appeal siam an tum.
General Secretary Chile-ah
General Secretary, Rev.H.Lianngaia chu BWA General Council Meeting, Chile, South America-a July 2-7, 2012 chhunga neih turah BCM aiawhin a palai dawn a. He chanchin ziak lai (25/6/12) hian visa a la nei hman lo va; a kal thei anih chuan vawiin Pathianni hi USA-ah chamin July 2 (Thawhtan) ah Chile hi a pan ang.
AGS leh Medical Superintendent Vellore-ah
Associate General Secretary i/c Service, Rev.C. Ngurhnema leh Medical Superintendent, Dr. Lalramzauva te chu June 28-29, 2012 a Christian Medical College, Vellore Council Meeting-a tel turin an kal a. Thawhtan khian an lo thlen leh beisei a ni.
MTKP Hruaitute Champhaiah
Mizoram TKP hruaitute President, Rev.R. Zohmingliana leh Organiser, Rev. Samuel Lalremsanga leh Committee member eng emaw zatin vawiin Pathianni hmang hian Champhai bial an tlawh dawn a. Vawiinah Kahrawt Biak inah a huhovin programme an hmang ang.
MBBS tur BCM Quota-in pakhat a tling
CMC Vellore-a BCM quota-a MBBS zir tura inziak tling mi 3 zingah Jonathan Lalrempuia s/o Upa K. Lalfakzuala, Ramhlun North, Aizawl chu thlan a ni a. Jonathana te hian Class an tan nghal.Rampum huap Tawngtai hun atan September 8
Assembly-in a lo rel Rampum huap Awmni khama Tawngtai hun atan September 8, 2012 (Inrinni) zing dar 10:00 atanga tlai dar 6:30 ruat a ni a. He mi tibuai thei Programme dang eng mah siam hnan lo turin Tualchhung Kohhran tinte General Secretary chuan a ngen a, a hriattir bawk.
Evangelist te Rawngbawlna
Kan hriat theih chinah kan Evangelist-te’n hetiangin rawngbawlna an kalpui mek: Krista Kraws Chhuangtute team (Speaker: Evan.TC. Lalchhandama) Lawngtlai Bazar Kohhranah vantlang pual camp an neih chhunzawm a. Thutak Puangtu team (Speaker: Evan.K. Dengdailova) Cheural Kohhranah la chamin naktuk atangin Rawlbuk Kohhranah an tan lehnghal ang.
