Beirual Thuzirah THIANGHLIMNA
Kumin Beirual Thuzir atan Publication Board chuan THIANGHLIMNA tih a thlanga a ziak turin heng kan pastor rualte hi thlangin an ziak mek hlawm. Rev.C. Ngurhnema AGS i/c Service, Rev.C. Vanlaldika AICS, Rev.C. Vanlalmuankima Hnahthial South bial leh Rev. Lianchhunga Khiangte Cherhlun bial te.
MBBS zir turin Pathum inziaktling
BCM Sponsored-a CMC Vellore-a MBBS zir tura written test-ah heng a hnuaia tarlan mi pathumte hi an tling a. June 18-20, 2012 chhung hian Test leh Interview hrang hrang Vellore hmunah an la hmachhawn dawn a. Tha taka an hmabak an hlenchhuah theih nan i tawngtaipui ang u. 1. Jonathan Lalrempuia s/o Lakfakzuala Khiangte, Ramhlun ‘N’ Azl. 2. H. Laldinthara s/o H. Vanlalsiama (L), Bungkawn, Aizawl 3. David Lalmuanpuia Khiangte s/o Dr.K.L.Remsanga, Chanmari,Azl.Pu C. Pachhinga Ral dawn
BCM hnuaia Printing Press Department-a kum 40 chuang zet lo thawk tawh, Pu C. Pachhinga (84) chu June 1, 2012 khan a chenna in Zotlang, Lungleiah thisen s^ng avangin a thi a, a tuk June 2, khan Zotlang thlanmualah vui liam a ni. Mizoram Baptist Kohhran hnuaia thawktu inzawmkhawm, Workers Condolence Scheme chuan vawiin, June 8, 2012 chawhnu dar 03:00 hian a chenna in Zotlangah an ral dawn a ni.
Upa LH Liandinga pual Appeal siam
BCM Office-a Superintendent anih laia kal (kidney) thlak avanga hun rei tak Vellore-a inenkawl mek, Upa LH. Liandinga chu a tha chho zel a; a thisen (Cretenene) a la normal lo deuh a, tawngtaipui zel ang u. Hetianga natna khirh a tawh avang hian a senso phuhruk nan Tualchhung Kohhran hrang hrangah Appeal siam a ni.
MBKHP te Chhim thlang lamah
Mizoram BKHP hruaitute chuan June 8-10, 2012 hian Lawngtlai thlang lam pastor bial pahnih-ah programme an nei dawn. June 8, 2012 hian Diltlang bial huapin Ngengpuikai Biak inah HIV/AIDS Awareness Campaign an nei ang. MBKHP atangin Pi Saprengpuii leh Drop-in Centre-a thawktute an kal.
Tin, June 8-10, 2012 hian Bungtlang South bial huap Upa leh Rawngbawltu Nupuite pual Seminar neih a ni a. MBKHP atangin Upa C. Remmawii, Pi B. Singpari leh Pi LH. Lalbiaktluangi ten an hmanpui dawn a ni.
Lawngtlai Area Pastor’s Meet
Lawngtlai Area huam chhunga Pastor bial hrang hrang 14-a bialtu pastor te chuan JH. Lorrain Hall, Lawngtlaiah June 1, 2012 khan Pastors Meet ni khat awh hlung takin an hmang.
BCM Constitution & Rules
BCM Constitution & Rules bu lei tur a la awm a; a kawm khawng chi (hard bound) pawh a lo thleng thar e. A man:
A kawm pangngai - Rs.80/-; A kawm khawng - Rs.100/-
______________
