R & D in khual tha an thleng:
BCM Relief and Development leh Global Youth Volunteer Network, Canada chuan an thawh hona chhunzawmna program nei leh in interaction Dt 3-24 May 2012 chhung nei turin hma an la mek a. Canada atangin team member 10 (Hmeichhia 9 leh mipa 1) an lo kal a. An cham chhungin Mizoram hmun hrang hrang te tlawhin leh Mizo inah te thlengkualin Zonun ziarang leh ram chanchin te zir pahna neiin hun an hmang mek. GYVN hi Kristian pawl, thalaite khawvel hmun hrang hranga hnam ze hrang hrang nunte zir paha rawngbawlna nei an ni a. Kum 2006 atang khan BCM R&D Department nen hian kum tin hetiang ang hun hmang ho tur hian ruahmanna siam a ni a, Mizoram an tlawha an thil hmuh thate an ram lamah theh darhin pawl pahnih ten kan hlawkpui tawn mek a ni.
BWA Day
May 13, 2012 Patianni hi Baptist Kohhrante khawvel pum huapa kan inthlunkhawmna ni pawimawh tak a ni a. BCM chuan vawiin thupui atan “Riangvaite tana Chanchin Tha” tih thu hi a thlang a; Kohhran tinah he thupui hmang hian thuchah ngaihthlak a ni ang a, Tawngtai Rual thupui siam sa hmangin Kohhran tinah tawngtai rual neih a ni ang a, tin hemi ni thawhlawm hi Hqrs. Kaltlangin BWA- hmunpui-ah thawn tur a ni bawk ang. BWA-ah hian ram 211 atangin Kohhran 149,656 inzawmkhawmin baptisma chang chin member puilting member maktaduai 34 zet kan awm. (Read More)
Kristian Chhungkaw Chawlhkar
Mizoram Baptist Kohhran chuan May 24, 2012 (Thawhtan zan) atanga tanin chawlhkar khat chhung Kristian Chhungkaw Chawlhkar a hmang tan dawn ta. He chawlhkar chhung hian zan tin chhungkuaa thuzir tur buatsaihin Pathianni leh, May 20, 2012 ah Kristian Chhungkaw Ni hman thin a ni. Kumina Kristian Chhungkaw Chawlhkar thuzir tur hi Buarpui bialtu pastor, Rev.B. Zirsangliana ziak zir tur a ni.(Read More)
Missionary 10 tirchuak dawn
May 13, 2012 Pathianni hian a rualin hmun thumah Missonary Tirchhuah Inkhawm buatsaih a ni dawn a. Heng tihrchhuah inkhawm hi Lawngtlaia Chanmari Biak inah te, Lungleia Farm veng Biak inah leh Moria Biak inah te neih a ni dawn a ni. Lawngtlai-Chanmari Biak Inah Missionary 2, BCM Farmveng, Lunglei-ah Missionary 4, BCM Moria-Rahsiveng-ah Missionary 4 tirhchhuah an ni ang (Read More)
Upa leh rawngbawltu Retreat:
Lawngtlai North Pastor Bial Upa leh Rawngbawltute chuan May 5-6,2012 khan BCM Biak in, Salem, Lawngtlaiah Retreat an nei a. Speaker/Resource Person –ah Rev. C. Rothuama an hmang.
Mission Convention:
Mission Promoter, Pu HS. Lalhmingthanga speaker-a hmangin Mualthuam South Kohhran chuan May 11-13, 2012 hian Mission Convention an nei mek.
KNP Crusade
May 11-13 hian Hauruang Kohhran chuan KNP Crusade an nei dawn a. Speaker-ah Pi Ps.Lalhmingthangi, Sunday School Instructress a ni ang.
Pangzawl bial Sunday School seminar :
May 12, 2012 (Inrinni) hian Pangzawl bial Sunday School seminar, Ramrikawn Biak In-ah neih a ni dawn a. Speaker Rev. B. Lalramhluna, Christian Education Director a ni ang.
Paithar Bial zaikutpui
Paithar Pastor bial TKP chuan may 11-13, 2012 hian Sihtlangpui Biak inah zaikutpui an hmang a. MTKP Vice President, Pu PC. Vanlalrova speaker-ah an hmang.
Nupa tuak 3 innei tha:
May 7, Thawhtanni zing kar khan Gosen Kohhran Electric veng, Lungleiah Nupa tuak 3 te an bialtu pastor, rev.R. Zohmingliana kutah Kohhran hriatpuiin an innei tha.
Missionary thawhna siksawi
Ramchhung Mission-a kan missionary te 2 tul bik thilah hetiang hian an thawhna hmun siksawi hlek a ni. Pu Lalramliana, Nghalimlui atangin Betbunya Tv.Lalramdinmawia, Sachan atangin Tuikawiah.
Evangelist-te Rawngbawlna
Evangelist team rawngbawl mekte leh an rawngbawlna hmun kan hriat chin hetiang a ni: Mizoram For Christ team (Speaker: Upa C. Tlangmawia) Pangzawl Khawngbawk Kohhranah. Gospel For All team (Speaker: Upa F. Lalnuntluanga) Bualte Kohhranah nizan atang khan an tan. Ambassador For Christ team (Speaker :Upa K. Lawmsanga) Falkawn Kohhranah. Chanchin Tha Chhuangtute team (Speaker: Upa K. Lalenga) te chuan Jampui tlang dung-Sakhan leh Phuldungsei Kohhranah te an tuam chho mek. Gospel Messengers team (Speaker: Upa B. Lalthanliana) Shillong bial Madanrting Kohhranah an la nei chhunzawm zel.
