General leh AGS-Mission ten Nairobi thleng ta:

Rev. H. Lianngaia	Rev. Dr.K.Lalrinthanga

BCM in SIM-NEI nena kan thawhdunna hmun Kenya rama kan thawktute pahnih Buata leh Maria (an hmingpum hi anmahni him nan kan dah kim lo a ni e. Ed.) te an thawhna hmun hmuhpui tura SIM hotuten an rawn sawm angin BCM General Secretary, Rev.H.Lianngaia leh AGS i/c Mission, Rev.Dr.K. Lalrinthanga te chuan June 26 khan India ram an chhuahsan a. Tukin zinglam khan Nairobi chu tluang takin an thleng ta tih kan thawktu Buata hnen atangin kan dawng.  An programme ang chuan Tunkar chhung chu Kenya ramah hian chamin kan thawktute leh SIM hotute nen inkawmhona leh Kenya rama rawngbawl zel dan tur leh dinhmun te an en ho ang.   Pathianni-ah Somalia refugee ho zingah thu an hril ang a;    July 2-ah Kenya ram chhuahsanin Mumbai-ah an lut anga, July 3-ah Mumbai-Kolkata- Lengpui -ah an lo thleng ang a, hmei ni vek hian Serkawn an direct nghal ang. hawin ni 3-ah Mizoram an lo thlen beisei a ni.

Missionary 5 tirchhuak dawn

Kan sawi tawh thin angin Missionary lak thar 5 chuan kar hmasa leh tun kar chhung hian BCM Hqrs. Office, Serkawn-ah Missionary Orientation an nei mek a, anni hi June 30, 2013 Pathianni hian Mizoram Baptist Kohhran Biak In, Salem, Lungleiah tirhchhuah an ni ang. Rev. F. Sangvela, BCM President-in tirchhuakin, Rev. V. Vanlalchhunga, Director, Christian Edu. & Communications Dept. in thu a sawi ang. (Click here for detail story)

Tin, Tualchhung Kohhran leh Bialin an chawm tur, Volunteer Missionary 5 te pawhin, Missioanry tirhchhuahtute Orientation hi zawm ve in, training an neih zawhah, an thawhna tur hmun an pan ve nghal dawn a ni. Chungte chu:- 1) Tv. LH Vanlaldina, Buarpui – ET, Chawngtelui –a thawk tur 2) Nl. J. Lalngaizuali, Leite – ET, Marpara Comp. M/S–a thawk tur 3) Tv. David Vanlalfela, Peniel, Hnahthial – ET, New Sachan–a thawk tur 4) Nl. R. Liandingpuii, Chanmari, Hnahthial – ET, Sachan–a thawk tur 5) Tv. Vanlalruata Hnamte, Model, Hnahthial – ET, Tuikawi. –a thawk tur

AGS leh Medical Superintendent Vellore-ah

Rev.Lalbiaksanga Chinzah AGS i/c Service leh Dr.B. Laldinliana, Medical Superintendent-CHS te chu June 26-28, 2013 chhunga CMC Vellore Council Meeting-a tel turin nimin khan Mizoram an chhuahsan a, vawiin atangin meeting an nei nghal ang. He mi chhunzawm a Superintendent leh Church Leaders meeting-ah an tel chhunzawm ang a, karleh lamah an lo haw ang.

Sunday School Kum chanve Exam - June 30

June 30, 2013 Pathianni hi Sunday School Exam Ni a ni a. Mizoram Baptist Kohhran tinah Pathianni  zing inkhawm ban chhunzawm-in  Sunday School kum chanve Exam hi neih a ni ang. Kum danga kan tih thin dan angin Senior B te chuan Pathianni hmasa khan Exam Paper la chhuakin vawiin-ah an chhanna an thehlut ang a, Department dang zawng chuan vawiin-ah an exam dawn a ni.

Evangelist-te Rawngbawlna

#Mizoram For Christ team (Speaker: Upa Tlangmawia) te chuan Hnahthial Electric North Kohhranah rawngbawlna an nei mek. #Gospel For All team (Speaker: Upa F. Lalnuntluanga) te chuan Lawngtlai Salem Kohhranah Crusade/camping an nei chhunzawm zel. #Chanchin Tha Chhuangtu team (Speaker: Evan.K. Lalenga) ten North Vanlaiphai leh Lungkawlh lam an tuam mek bawk.

Thawktu thar:

BCM hnuaia Department hrang hrang ten thawktu an la thar zel a, tun hnaiah Mission Board Meeting chuan Missionary panga la tharin vawiin hian tirhchhuah an ni dawn a. Education Departmenr Committee chuan HATIM -a thawk turin Asst. Professor atan Maggie Ruatkimi Sailo, Chanmari West, Aizawl  bakah LDC atan H. Lalroluahpuia, Electricveng Lunglei leh Chowkidar atan Lalrinfela, Pangzawl te a la thar bawk. Tin, Social Concerned Department chuan BCO (Nauhnuchham) enkawltu Nurse atan Pi HD Thangchhuani (Tch-i), Serkawn chu a la thar bawk. An ni hian July 1 atangin a hna a zawm ang.

Baptist Printing Press-in hma sawn zel :

Baptist Printing Press chuan hma sawn zelin lehkhabu kawm kilhna lian, Stitching Machine, Double Head a nei thar leh ta. He khawl hi Rs. 150,000/- man a ni. Baptist Printing Press-hian tun hnaiah hma an sawn nasa hle a. Offset Printer lian an neih hnu-ah Colour Printer/Copier changkang tak an nei leh a, Cutter Blade tahhriamna khawl hmanni lawkah installed fel a ni tawh bawk a ni.