MTKP Organiser Shillong leh Guwahati-ah MTKP Organiser, Rev.Samuel Lalremsanga leh hruaitu dangte chu April 20-22 chhunga NEICCYA Bi-enniel Assembly, Shillong-a neihah an kal a. He mi hnu April 25, 2012 (Nilaini) khan India rama Baptist Thalai Pawl (Baptist Youth Fellowship of India-BYFI) Executive Committee meeting, CBCNEI Guwahati-ah Pu Victor Lalrinawma Sailo nen an tel. BYFI-ah hian Rev. Samuela hi President a ni a, Pu Victor-a hi Committee member a ni.
Christian Education Department Bial 2-ah Christian Education Department chuan vawiin Pathianni hmang hian Pastor bial 2-ah a rualin Sunday School Seminar/Campaign an nei a. Director, Rev.B. Lalramhluna Buarpui bialah kalin SS.Instructress, Pi PS. Lalhmingthangi chu Bunghmun bialah a kal thung.
Education Department Training Programme BCM Education Department-in a hriatpui English Medium School zirtirtute pualin April 25-27, 2012 khan BHSS Junior Section-ah Training buatsaih a ni a, Education Department Recognised School 12 atangin zirtirtu eng emaw zat an tel thei. NEICC-YA Vice President thar-T. Lalhlimpuia North East India Christian Council- Youth Assembly (NEICC-YA) Assembly chuan kum 2012-2013 chhung atan hruaitu thar thlangin Vice President-ah Pu T. Lalhlimpuia, MTKP Executive Committee member chu thlan a ni. Pangzawl Bial BKHP Fakna Inkhawmpui Pangzawl Pastor bial BKHP chuan April 27-29 hian Khuanghlum Biak inah an bialtu pastor, Rev.C. Lalhungliana hovin Fakna inkhawmpui programme an hmang mek. Aizawl Republic vengthlang Kohhran Silver Jubilee Aizawl khawpui chhunga Baptist Kohhran ding hmasa pathumna, Republic Vengthlang Kohhran chuan kumin September thlaa an Kohhran din champha vawi 25-na Silver Jubilee ropui takin lawm an tum a. April 22, 2012 khan Jubilee Celebration Opening Ceremony an nei a. Jubilee thupui atan โMupui ang Kohhranโ tih an thlang. Kum 25 chhung lekin he Kohhran atang hian Kohhran 3 an indang tawh a; tunah hian member 400 vel an ni.Christian Hospital News Medical Superindent, CHS in ziaka Baptist Today a hrilh danin March thla chhung khan damlo inentir mi 2749 an awm a; an zinga 328 chu admit an ni. Thla khat chhung vek hian nau piang 72 leh mitthi 8 an nei a. Major Operation 66 leh minor operation 46 an awm. Hetih lai hian Ni chakna hmanga power siamna khawl (Solar Power Plant) KiloWatt 25 pe chhuak thei khawpa lian chu ZEDA bul tumin bun fel a ni a, April 10, 2012 khan he mi puala inkhawm tawi buatsaihah BCM General Secretary, Rev.H. Lianngaian Pathian hnenah a hlan.
Evangelist-te Rawngbawlna Evangelist team rawngbawl mekte leh an rawngbawlna hmun kan hriat chin hetiang a ni: Chanchin |ha Chuangtute team (Speaker: Upa K. Lalenga) Lunglei Venglai Kohhranah. Ebenezer Ministry (Speaker: H. Vanlalmawii) Aizawl Hunthar Kohhranah. Remna Palai team (Speaker: Ramdinmawia ) Phuldungsei vengthar Kohhranah. Gospel For All team (Speaker: Upa F. Lalnuntluanga) M. Kawnpui Kohhrana
