Mizorama Baptist Chhungkua Inhmukhawm: Mizorama a vawi khatna atan April 13, 2012 (Zirtawpni) khan Mizoram chhunga Baptist Kohhran thurin leh zirtirna vuantu, pawl hrang hrang hmingpua awm hrangte chuan Mizoram Baptist Kohhran bul tumin BCM Headquarters Serkawnah inrawnkhawmna an nei. he inrawnkhawmnaah hian Baptist chhungkaw hrang hrang thawhho dan tur leh hlawm lian deuh zawka thawhho dan kawng an sawiho nia hriat a ni. Tun tuma BCM puipaten an sawmhote chu a hnuaia mite hi an ni a; he chanchin ziak lai hian an kal kim leh kim loh hriat a ni lo.
1. Congregrational Church of India Maraland (CCIM), Serkawr 2. Evangelical Baptist Church (EBC), Mimbung 3. Evangelical Church of Maraland (ECM), Saiha 4. Fundamental Baptist Church (FBC), Aizawl 5. Isua Krista Kohhran (IKK) Bualpui ‘Ng’ 6. Lairam Isua Krista Baptist Kohhran (LIKBK), Lawngtlai 7. Zomi Baptist Church (ZBC)
<<Read More>>AICS Valedictory Service Vawiin April 15, 2012 (Pathianni) chawhnu dar 2:00 hian AICS chuan a vawi 10-na atan Pastor Thanzinga Chapel, AICS-ah Valedictory Service an buatsaih dawn a. Kum dang ang bawkin BD leh M.Div. zir zo tawhte mi 20 vel thlahna hun an hmang dawn a ni. He programme-ah hian BCM President, Rev.Dr.Raltawnga chu khuallian niin valedictory address a sawi ang. (Click here for Detail)
HATIM Result a tha: Tun hnaia Mizoram University-in BCA result a tihchhuahah BCM College-HATIM chuan result ha chung chuang tak a nei leh a, a lawmawm hle. 1st.Semester-ah zirlai 16 zingah Distinction 3, First-ah13; 3rd.Semester-ah zirlai 11 awmin an vaiin First-ah an passed vek. 5th. Semester-ah zirlai 7 awmin Disctinction-ah 5, First-ah 2 an passed.
Christian Education Department Vaisam-ah April 14-15, 2012 hian Christian Education Department chuan Vaisam Kohhranah Vaisam bial huapin Sunday School Seminar leh Training a buatsaih a, headquarters atangin CED Director, Rev.B. Lalramhluna leh Hospital Chaplain, Rev. C. Vanlalhruaia te an kal.
BBC in Pastor Bial thar hawng Bru Baptist Church (BBC) chuan April 8, 2012 khan Rev. Lalzuithanga, BBC Executive Secretary chuan Tuipuibari Pastor bial a hawng thar. Tuipuibari bial hi Damparengpui bial atanga indang a ni a, Tualchhung Kohhran 7 neiin member 700 chuang an ni. Bialtu pastor atan Rev.A. Sangkhuma dah nghal a ni.
Phawngpui North bialah Kohhran Thar -PENIEL Phawngpui North pastor bial huam chhung Sangau-ah tun hnai khan Kohhran thar a ding a, a hmingah BCM Peniel a ni. Peniel Kohhranah hian chhungkua 36, member 160 vel an awm.
Pangzawl TKP Tuipui D ah Vawiin Pathianni hmang hian Pangzawl Ramrikawn TKP te chu Tuipui ‘D’ kohhran tlawhin an feh chhuak dawn.
..............................
MISSION NEWS
Hmun 4-ah Mission Convention: Vawiin Pathianni hmang hian Lunglei khawpui chhung hmun 3-ah leh Sangauah Mission Convention neih mek a ni. Serkawn Pastor bial huapin Ramzotlang Biak inah Speaker: Rev.Dr. K.Lalrinthanga. Zotlang Biak inah Speaker: Rev. Lalthang liana Hnamte. Hrangchalkawn Biak inah Pu HS. Lalhming-thanga. Sangau Kohhranah Missionary furlough mek, Pu C. Lalluaha speaker a ni ang.Chakma Mission Director: Rev.RC. Lalthanzama: Mizoram chhung Chakma zinga mission rawngbawlna a chak zawk theih nana Assembly-in Chakma Mission Director hrang nei tura a tih angin Tlabung bialtu pastor anglai, Rev.RC. Lalthan-zama chuan April 4, 2012 khan charge a la fel ta a. Headquarters Office-ah Orientation neihpui a nih hnuah chhungkuain Chawngte ah an awm tawh dawn a ni.
Zawlpuiah Camping awn: Rahsiveng Kohhran chuan April 24-29, 2012 chhungin Zawlpui Kohhranah Hruaitu camp leh Salvation camping an buatsaih sak dawn a. He lai hmuna Headmaster, Pu Zohmingthanga chuan Kohhrante tawngtaipui turin min sawm.
Workcamp Mar North Kohhrante chuan Salmur Chakma khuaah thawktu Quarters sain workcamp an nei a; Phuldungsei bial TKP chuan April 17 atang khian Taraboinia Chakma Biak in sain workcamp neih an tum bawk.
