Thawktute Inhlantharna Inkhawm[/caption]
Nimin, January 8, 2019 (Nilaini) kha BCM Thawktute Inhlanthar Ni atana ruat a nih angin Mizoram Baptist Kohhrana thawktu hmun hrang hranga awmte chuan Inhlantharna Inkhawm an nei a. BCM hmunpui, Lunglei-ah chuan BCM Hall, Serkawn-ah neih a ni a, Aizawl Area chuan Nex Com Picnic Spot-ah neiin, Lawngtlai Area-a thawktute pawhin Baptist House, Lawngtlai-ah Inhlantharna Inkhawm hi an nei bawk.
Headquarters - Serkawn-ah hian BCM Hall thar-ah neih a ni a. Upa Biakchungnunga, Office Superintendent-in Inkhawm kaihruaiin General Secretary Rev. F. Ramdinmawia’n Thawltu l;o kallkhawmte lawmna leh chibaibukna sawiin Rev. Dr. C. Vanlaldika, AGS-Mission-in fuihna thu a sawi a. BCM President Rev. Pc Liandula’n Inhlantharna kaihruaiin thuchah a sawi bawk. He hunah hian Lunglei khaw chhunga BCM thawktu mi 380 vzet an kal khawm a. Department hrang hrang thawktute an kal tha hle.
[caption id="attachment_15470" align="aligncenter" width="720"]
Inhlanthar Inkhawm [/caption]
Lawngtlai Area puala Inhlan tharna Inkhawm hi Upa T. Vanlaldika, H.A.-in a kaihruai a, Rev. R. Lalnunzira, Executive Secretary-in thuchah sawiin, Pro Pastor Michael VL. Rema leh Christian Hospital Lawngtlai-te hnen atangin Group zai ngaihthlak a ni bawk. Inhlantharna hun hi Dr. Jonathan-kaihruaiin ṭawngṭai hona neih a ni a, tlaiah chawhlui kil ho nghal a ni. He hunah hian Executive Secretary Office-a thawktute, Printing Press, Bookshop leh Christian Hospital Lawngtlai-a thawktute bakah Area chhunga Bialtu Pastor leh Pro Pastor teng emaw zat nen an vaiin mi 60 chuang an tel thei a ni.
[caption id="attachment_15471" align="aligncenter" width="720"]
Inhlanthar Inkhawm -Lawngtlai Area[/caption]
