Nimin, January 7, 2015 (Nilaini) khan Mizoram Baptist Kohhran hnuaia thawktu, Lunglei khawpui chhunga awm te chuan Thawktute Inhlantharna Inkhawm Serkawn Biak Inah an nei  a, he hunah hian Lunglei khawpui chhunga BCM-a thawktu an kal tha hle.

He Inhlantharna Inkhawm hi Rev. R. Zohmingliana, Pastor Coordinatorin a kaihruai a. Office Superintendent, Upa Biakchungnunga'n Department hminglamna a neih hnu-ah Tv. HC Lalrinliana'n Inhlantharna hla a sa a. General Secretary rev. HLianngaia'n thuchah a sawi bawk. Inhlantharna hun hi Inkhawm hruaitu Rev.Rev. R. Zohmingliana'n a buatsaih a ni.

Hemi rual vek hian Executive Secretary Office, Aizawl-a thawktute leh Aizawl khawpui chhunga BCM Staff te chuan Reiek Tourist Resort-ah Inhlanthar Programme hi an hmang a, Lawngtlai Area-a thawktute chuan Baptist House, Lawngtlai -Lorrain Hall p-ah he Progamme hi an hmang ve bawk a ni.  Mission Field leh Mission Station Mizoram chhung leh Ram pawn-a awm te chuan anmahni remchang angin an hmang thung .

Mizoram Baptist Kohhran hnuaia Office hrang hrangte hian January 6, 2015(Thawhleni) atang khan kum 2015 atan  Office an kai tan tawh a. Headquarters Office-a thawktu te, Executive Secretary Office - Aizawl leh Lawngtlai te bakah Mission Field hrang hrang leh Intitution leh Department Office hmun hranga awmte pawhin Office an hawng a ni. Headquarters Office, Serkawn-ah chuan thawktu Duty pawimawh-a thang mek te tih loh chu Staff an kal tha hle a, hutu te pawh General Secretary hovin AGS pahnih leh Director te an kai kim a ni.