Kohhrana thawktu/pensioner te leh an chenpui an chhungte (a ram mi thawktu telin) Covid-19 avanga mahni in, CCC leh Damdawi In a enkawl mek te, vawiin May 21 chawhnu dar 2 thlenga an chanchin, anmahni, an thawhna hmuna hotu te leh an chhungte kan biak pawhna atanga kan dawn te kohhran hoten kan tawngtaipui theih nan kan rawn tarlang e.
1. Pu Kiran Jyoti (Chakma Bible Translator) leh a fanu Liberty (kum 10). An ni pafa hi Covid Care Centre, Chawngte a enkawl lai an ni a, tun dinhmun ah engmah harsatna an nei tawh lova, naktuk, inrinni (May 22) ah an test ang a, an dinhmun tur a chiang ang. An lo negative ngei theih nan tawngtai ila.
3. Tv. Hnemtu Lalngaizuala (S/O Pu J.Lalsawmliana, Missionary, Debitola). Zuala hi a pumna avangin han luak zeuh te pawh a nei a, a khuh hi ala awm a, vawiin May 21 hian CT Scan ti tura beisei a ni. Result tha a neih theih nan leh hma a sawn zel theih nan tawngtai ila.
4. Rev. Lalbiakhlua (Field Director, Arunachal West Field). Tukin (May 21) chu ani pawh hma a sawn hle mai, nizan lam pawh a mu tha a, a luhai deuh ala awm tih loh chu harsatna em em pawh a nei tawh love, a khawsik a reh zel avangin nachhawkna pawh a thlah ta rih e.
5. Nyson J. Lalnunruata (Huto, Arunachal West Field). Huto School atanga KM 2 vela hla Lekhi CCC-a enkawm mek ala ni a, tun dinhmun ah harsatna lutuk a nei ta lova, a luna pawh a zia viau a, a hma a alo khuh nasat avanga a hrawk thip avanga thil sakhat ei erawh ala harsat deuh, hma a sawn zel e.
6. Rev. Lalhmingchhuanga Jongte (North India Mission, New Delhi). Rev. Hminga hi kan hriat ang in ICU ah Ventilator hmanga enkawl mek a ni a, zawi zawi in hma a sawn ve zel a, a chuap Pneumonia avanga chhe viau tawh pawh a rawn insiam tha leh tan mek tawh a, tin, a taksa peng pawimawh dang (vital organ) te engmah a chhiat loh avangin a that chhuah leh ngei beisei a ni.
Huto School-a thawktu zawng zawng, negative tawh te pawh, an chhungte nen a nawlpuia test neih tura ruahman leh mek a ni bawk a, an negative vek theih nan tawngtai ila.
7. Pu K. Lalchungnunga (Tinsukia, Upper Assam). Ani hi Borguri CCC-ah enkawl mek a ni a, harsatna lian tham tak nei lo mah se, BP sang nei a ni a, a hrawk thip avangin chawei a harsat viau bawk, chaw a ei thei meuh rihlo a ni. Hetihlai hian amah buaipuitu ber a fanu (Nurse) chu a negative rih a, a nupui hi la test a ni lova, in lamah an in quarantine mek a ni.
8. MP & MS -a a ram mi thawktu fa te. MP & MS field a a ram mi thawktu (Cook) fate pathum Kiran Mawaskar, Chhaya Mawaskar leh Rebecca Sawalkar symptom a nei tawh rih lova, anni pathum hi tuna in lama enkawl lai an ni a. An zinga pahnih te hi karleh thawhtan, May ni 24, ah test beisei an ni a, an lo negative ngei theih nan tawngtai ila.
9. Pu Siamkima Khiangte (Lalmati, Assam). Pu Siamkima hi an awmna atanga KM 25 a hla Covid Care Centre-a enkawl mek a ni a, vawiin, May 21 khan test a ni leh a, ala positive a, thawhah, hritlang leh taksa na ala nei a, alo that chhuah thuai theih nan tawngtai ila. A nupui leh a fapa in lamah an inkhung a, test an ni rih lova, harsatna pawh an nei rih love.
10. Tv TC. Lalremruata (Jharkhand). Ani hi Field Director thuthmun Dumka khua ah an Biak In ah Isolation-a enkawl ala ni a, tun dinhmun ah a pum a sawisel deuh tih loh harsatna lian tham a nei tawh rih lova, a negative thuai beisei a ni.
11. Rev. TC Laltlawmlova te nupa. In lama in enkawl an ni a, tun thleng in harsatna leh symptom engmah an nei lova, tunkar zirtawp May 21 hi an sample test leh hun tur a ni a, an negative ngei theih nan tawngtai ila.
12. Pu C. Lalremruata (Kolkata). Pu C.Lalremruata hi Ventilator support-a ICU-a enkawl mek a ni a, a dinhmun hian zawi zawi in hma a sawn ve zel a, a oxygen saturation 99% a ni a, a potassium sang tak pawh control a ni zel rih a, a kal leh taksa peng dang dinhmun (nephrology) endik tura tih a ni a, report tha a awm zel theih nan leh alo dam chhuah leh ngei theih nan tawngtai ila.
Heng bakah hian thawktu dang natna khirh tak avanga enkawl mekte a hnuaia kan rawn tarlante tan hian tawngtai bawk ila1. Rev. V. Lalthlamuana: Kal thlak ngai, Kolkata a enkawl mek a ni a, zawi zawiin hma a sawn ve hret hret e.
2. Rev. R. Lalchamliana : Cancer natna avangin Kristian Hospital Serkawnah enkawl a ni a, ICU-ah hun engemaw chen a awm hnu-ah vawiin khan an in lama inenkawl chhunzawm turin an in la chhuak a ve leh ta.
3. Pu B. Jonathana, Missionary Tripura: Cancer natna avanga enkawl mek a ni.
4. Pi Zonunpuii (w.o K. Lalzuimawia, Missionary, Arunachal Pradesh : Cancer natna avanga enkawl mek a ni.
5. Rev. Dr. F. Hrangkhuma (Pensioner) Bangalore : Cancer niin, Bangalore-a an chenna inah enkawl mek a ni a, Chemo a la tawh rih lo a, damdawi hmanga enkawl mek a ni. Hma a sawn zel a, harsatna lutuk a nei rih lo.
Communications Department (BCM)
