Mizoram Baptist Kohhran, Relief & Development Department chuan Hripui leng karah CASA nena an thawhhona Project pakhat - Innitiative of Peace and Economic Development(IPED) chu an kalpui ve zel a. Tunlai hian Target area, Kolasib District ah hmalakna an kalpui mek. Project Coordinator leh Field Facilitator ten he hmalakna hi vilin, Mizoram Sawrkar, State Coordinator pawhin he an hmalakna te hi a hmunah kalin a endik a ni.
He Project hnuaiah hian Social Media kaltlangin Sikul naupang te tana tangkai tur Essay Writing Competition an buatsaih chu December 5, 2020 khan Kolasib SIRD Hall Vengthar ah result puanna neiin, Award semna neih a ni a. Tin, hemi rual hian Training on Rights and Entitlements program neih a ni bawk. Resource Person tan SIRD a Faculty Pu John Lalmuankima hoin hun tha tak hman a ni.
CBO (Community-Based Organization) leh PO (People's Organization) atang mi 21 an tel thei a, District Level PO (People's Organization) Executive Committee Member thlanna neih zui nghal a ni bawk.
SWOT Analysis (PRA pakhat khawtlang chakna, hmasawn ngaihna, hmasawnna dal tu, khua a thil awm sa hman tangkai theih) khaw 11 visit tawh-ah tih zel a ni a, heng bakah hian Health Care tih ve theihna tur tanpuina khaw khatah BPL atangin Chhungkaw 3-5 thlanchhuah an ni bawk. IPED Project hnuai ah hian Kolasib District a khaw 15 enkawl mek a ni.
