Mizoram baptist Kohhran, R & D - IPED project leh Kolasib District Sports &Youth services tang kawpin Vairengte ah One day volleyball friendly match for peace building, December 11, 2021 khan an buatsaih a. Hetah hian Youth group pahnih ten volleyball hmangin infiamna an nei.
He hun hawnna-ah hian Rev. Valalnghaka Jongte, BIaltu pastor, Vairengte Bial-in Pathian hnena Inkawltirna hun hmangin, District Sports & Youth Services atangin Officer Pu Lalrinliana Royte in Physical & Mental Health tih thupui hmangin thalaite hnenah thu a sawi a, Nl. Betsy Lalhruaizeli, Project Coordinator IPED project chuan Conflict Transformation and Peace Building chungchang a sawiin, Youth Group te chu Vairengte khawtlang tana hmasawnna thlentu an nih theih nana intuai thar turin a fuih bawk.
Volleyball Match khelh zawh hian youth group pahnih te hnenah Volleyball leh Volleyball Net pakhat ve ve hlan an ni a, lawmman hi District Sports and Youth Services in an rawn tum a ni.
Hemi ni vek hian, R&D IPED project chuan an target village pakhat Buhchangphaiah One Stop Centre Kolasib nen tang kawpin hmeichhia te dikna chanvo chungchang in zirtirna neih a ni a..One Stop Centre hmalakna na leh hmeichhia te tana hamthatna awm te zir hona neih a ni..Hmeichhia 52 te he programme ah hian lo telin..Hlawk taka hun hman a ni.
