Relief & Development hmalakna-a Lunglei khawchhung hmun hrang hrang-a 4C-ah te chhawmdawlna sem a nih hnu ah, August 13, 2021 (Zirtawpni) khan Lunglei khaw pawn Mausen leh Lungrang-a 4 C ah te R&D chuan tanpuina cheng 10,000/- ve ve an hlan a.
Mausen-ah hian R & D thawktu Nl. Remsangpuii’n YMA President kal tlangin thilpek hi a hlan a, Lungrang 4C tanpuina hi Bialtu Pastor Rev. H. Vanlalvawna’n R & D aiawh in VLTF te kutah a hlan ve bawk.
Tun dinhmunah Mausen 4C ah hian covid positive enkawl lai an awm tawh rih lova, Covid vei mi 31 negative in an chhuak tawh a, heng mi te hi quarantine centre ah an awm mek a. Lungrang 4C ah hian a tirtah mi 94 enkawl an ni a, Tanpuina pek lai hian mi 64 la awmin, chanchin kan hriat hnuhnung berah 4C a awm te pawh an chhuak vek tawh a ni.
Relief & Development Department hian August 19-20, 2021 khan Initiative for Peace and Economic Development (IPED) kaltlanga hmalakna in, Kolasib District chhunga khaw 15-a Hmeithai Covid 19 avanga harsatna tawk chhungkaw 22 te hnenah Tanpuina - Buhfai, Dal, Tel, Chini leh pawisa fai te an sem a, hetih rual hian IPED Project kalpui mek-a hma lak zelna atan Thalai Pawl (Youth Group) leh Kuthnathawktu Pawl (Farmers group) te din nghal a ni. a, He hun hi R & D thawktu te Nl.T Lalfawnveli, Betsy Lalhruaizeli Rawite leh Pu Lalrinkima ten an hmanpui a ni.
