Mizoram Baptist Kohhran chuan October 13, 2015 (Thawhlehni) zâna BCM Biak In Bâwngkâwn Brigade Vêng suasama, tihchhiat a nih chungchangah mipuite hriat atana a duh leh BCM Headquarters ngaihdan Press Handout hetiang hian a siam:-

BAPTIST CHURCH OF MIZORAM : PRESS HANDOUT

Mizoram Baptist Kohhran chuan October 13, 2015 (Thawhlehni) zâna BCM Biak In Bâwngkâwn Brigade Vêng suasama tihchhiat a ni hi pawi a ti hle a. He thil thleng chungchânga a ngaihdân hetiang a ni:

1) Kohhran thang zêlah inkhâwmna tûr Biak In mamawh belh ve zêl a ni a. Bâwngkâwn Brigade Vênga Biak In hmun pawh hi mamawhna avângin kan ram dân leh hrai hnuaia fel leh him tâwk ni a hriain kan lei a ni a. Tûnah pawh hian, ram inkaihhruaina dân pal zûta thil tih tumna rêng a awm lo.

2) Kristian rama inchhâl thîn kan Zoramah Kristian Biak In ngeiin beih a tâwk

3) Hetianga Mizoram Baptist Kohhranin hun harsa kan paltlang laia min tuarpui a, min thlamuan leh min tawngtaisaktu kan unau Kohhran pâwl hrang hranga mite chungah kan lâwm a. Hêng vânduainate hian Lalpa ram tâna thawkho tûrin min phuar khâwm sauh sauh se la kan duh a ni.

*****00O00*****