[caption id="attachment_78" align="alignright" width="135"] Rev.F.Sangvela[/caption]

BCM President, Rev.F. Sangvela chuan Boro Baptist Convention kum 100 tlin lawmna (BBC Centenary) January 30- Feb.2, 2014 hian Harisinga, Assam-ah speaker niin a hmanpui dawn a. Lawngtlai Area Zaipawlten an tawiawm ang. President hian February 3-4, 2014 a NCCI Centenary Kolkatta-a lawmna programme-ah BCM aiawhin a tel nghal dawn a ni.

 Vellore-ah cham mek January 29-30, 2014 -a CMC Vellore Council Meeting vellore-ah neih mek a ni a. He meeting-ah hian BCM aiawh member pahnih,  Rev. Lalbiaksanga Chinzah, AGS i/c  Service  leh Medical Duperintendent, Upa Dr.B. Laldinliana te thang mek bawk.

.....................

Bial Sunday School Meet & Campaign Electric Pastor bial Sunday School Committee buatsaihin February 1-2, 2014 hian Sunday School Meet leh campaign neih a ni dawn a.Inrinni  nilengin Gosen Biak inah Meet neiin Rev. V. Vanlalchhunga, CED Director leh SS Promoter, Pi H. Lalkimi ten an ho vang; Pathianni-ah bial chhung Kohhran hrang hrang- Electric, Farm veng, Chanmari Vengthlang leh Gosen Biak inah te Campaign neih chhunzawm a ni ang.

........................

Zo-sap Missionary Pi Sangi a thi Tlai khawhnua kan hriat danin BMS Missionary Zorama lo thawk tawh la dam 3 zinga mi, Pi Sangi (KA Cox) chu London-ah December 21, 2013 khan a thi a, January 13, 2014 khan an vui.(Chipchiar zawkin Kohhran Bengah in lo en dawn nia)

...............................

CBC Pastor Bial thar hawng dawn Chakma Baptist Church Phairuang Pastor bial chu tunkar Pathianni (February 2, 2014) hian Mission Coordinator, Rev.B. Lalrinawman a hawng ang. .......................... Pro Pastor 5 leh Missionary pakhat Minister atan nemnghet dawn Assembly Executive Committee chuan kumin  Pro Pastor 5 leh Pro Pastor ni lo, kan missionary pakhat Minister-a tan nemngheh turin a thlang fel ta a, March 9, 2014, BCM Assembly - Serkawn-ah nemngheh an ni ang. 1. Pro Pastor C. Malsawmzuala 2. Pro Pastor K. Lalsanglura 3. Pro Pastor K. Vanlalzika 4. Pro Pastor David Lalmalsawma Sailo 5. Pro Pastor T. Hmangaihvulluaia leh 6. Pu V.L.Buatsaiha Missionary to Kenya