Mizoram Baptist Kohhran, Hnahthial Lungleng chuan November 1-2,2019 hian an Kohhran kum 50-na, Golden Jubilee an lawm a. Rev. PC Liandula, BCM President-in Jubilee hriatrengna lungphun a hawng ang. Jubilee hmanpui hian BCM Headquarters atangin Pi M. Lalthanzuali, Archivist leh BCM Choir an kal bawk.
He Jubilee lawmna hi October 20 (Pathianni) khan a hawnna programme an lo nei tawh a. November 1, 2019 Zirtawpni Chawhma dar 10-ah chhunzawm lehin Vantlang inkhawm-in hun hman a ni.ย Chawhnu lamah Mual-ah intihhlimna progamme hman a ni a, Jubilee hla inphuah siak result puan a ni bawk. November 2 (Inrinni) zing-ah Jubilee darย vuak leh Lungphun hawn a ni ang a, lungphun hi Rev. Pc Liandula BCM President-in a hawng ang, Balloon 50 chhuah a ni bawk dawn a ni.
Inrinni Chawhma dar 10:00-ah Jubilee lawmna Inkhawm neih chhunzawm lehin, Bialtu Pastor Rev. TC Vanlalmalsawmaโn Inkhawm a kaihruai ang a, Rev. PC Liandulaโn thuchah a sawiin, Chawhnu lamah Praise & Worship hun hman a ni a, tlai lamah Jubilee lawmna ruai an kilho a ni ang.
Tun dinhmunah Hnahthial Lungleng Baptist Kohhran-ah hian chhungkaw 116 awmin Kohhran member 579 an awm mek a ni.
