December 4, 2021 (Inrinni) khan Area Development Working Committee, Lawngtlai buatsaihin BCM Bazar Biak In Lawngtlai-ah BCM  Planning Commission panga-na (5th Planning Commission), Assembly 2021 -in a lo pawm tawh zirhona neih a ni a. He zirhona hi Headquarters aṭangin General Secretary, Rev. F. Ramdinmawia, Director Pastoral Ministry Department, Rev. C. Chhuntluanga, Principal Jubilee Bible School Rev. Joseph Vanlalruata leh Administrative Officer, Lalruatkima ten an hmanpui a ni.

Programme hi hun hnihah then niin chawhma lamah Constitution thar danglamna laite leh chumi in a nghawng kalphung thar lo awm tate zirho a ni a, chawhnu lamah Kum 10 chhung atana hmasawnna tur rahbi buatsaih (Development Plan) zirho a ni thung a ni.

Seminar ah hian Kohhran Upa leh Rawngbawltu, Tualchhung Kohhran Office Bearers - Lawngtlai town chhung, Mampui Bial, Paithar Bial, Thingfal Bial leh ṬKP, BKHP, BMP aiawhte mi 172 an tel a ni.