Assembly Executive Committee karlehah

BCM Calendar-a kan hmuh angin Mizoram Baptist Kohhran Assembly hnuaia Rorelna sang ber Assembly Executive Committee chu  January 22-24, 2013 khian Sap Upa leh Pu Buanga Hall-ah neih a ni dawn ta. Office lam inbuatsaihna pawh peih thawkhat tawh a ni. Tun tum Executive Committee-ah hian Term thar atan Department Head te leh BCM Puipa te inthlan thar tur a nih avangin Kohhran hote pawhin Hruaitu tha leh Pathian ruat kan neih theih nan theihtawpa tawngtaia tanla turin General Secretary chuan a chah a ni.

Thawhlawm 79.32 percent lut tawh

General Secretary in April-December chhunga Pastor bial tin target pek dan dinhmun a tarlan danin pawisa kum chhiar dana 75% hun kal tawh chhungin sum thehluh tawh chin chu 79.32% a ni a. Hriat theih chinah December thla thleng khan heng pastor bialte hian an target an khum tawh- Lengpui bial, Lungchem bial, Thenzawl bial, ZPMBK bial

Saitualah Fellowship thar a ding

Saitual khawpui chhung Saitual North Kohhran leh Saitual South inkarah January 13, 2013 (Pathianni) khan Fellowship a ding thar a. Aizawl ES, Rev.F. Sangvelan he Fellowship thar hi hawngin member 60 chuang an ni.

Thenzawl Bethlehem BMP AICS-ah

Thenzawl Bethlehem Kohhrana BMP te chuan tun hnaia Serampore Convocation dawl tura ngawrh taka inbuatsaih AICS-ah hna tul apiang thawhpui turin tun kar khan Workcamp in an riak lut.

BCM Vehicle-ah Car Diary hmang tan

BCM hnuaia lirthei chi hrang hrang chuan January thla tir atang khan an kalna chin kimchang hriat theihna tur ‘Car Diary’ an hmang tan ta a. He Car Diary-ah hian Motor Movement zawng zawng tarlanna a awm a, Driver leh Motor hmangtu, hmanna leh tlan thui zawng(Metter) ziakna a awm a, Driver leh a hmangtu-in hming a sign zel tawh dawn a, an hmanna(purpose) chiang taka ziak tur a ni bawk.  Auditor ten Account an audit rualin hei hi an audit tel thin dawn a ni. He Car Diary hi Headquarters chauh ni lovin, Morotor kawl zawng zawng Institution leh Mission Field te pawhin hman vek tur a ni.