Communications Department Champhai bialah:
Communications Department chuan tunkar Pathianni (October 7,2012) hmang hian Champhai bialah Seminar/Campaign programme an hmang a. Director Rev.R. Lalchamliana, Pu Vanlalruata Kawlni leh Pu KMS.Dawngliana te an kal.
Channel of Hope Workshop:
Mizoram TKP leh SHALOM (Aizawl) te chuan October 2-3, 2012 khan Lunglei Chanmari Kohhran Jubilee Hall-ah Channel of Hope Workshop an nei a. Khawpui chhung Unit hrang hrang atangin TKP member te an tel.
Community Development Seminar:
BCM R&D Department chuan October 3-5, 2012 khan R&D Hall, Ramzotlang, Serkawnah Bru Baptist Church hruaitute pualin Community Development Seminar & Training an buatsaih sak.
Executive Editor Vellore-ah:
Kan chanchinbu Executive Editor, Rev.C. Lalbiakzama chuan in check-up turin Vellore lam a pan leh ta a; naktuk October 8 atang hian a in-chekup theih beisei a ni.
AICS Practical Ministry:
AICS-a BD Iyr. batch te chuan tunlai hian Practical Ministry neiin Mizoram chhunga a bika enkawlna hmun mi thahnemngaiten an din Centre hrang hrangah pahnih zela inthendarhin zirchianna an nei.
Pastor Bial Inkhawmpui:
October 4/5-7, 2012 leh kar leh October 11-14 hmang khian Mizoram Baptist Kohhran Pastor bial eng emaw zatin Bial inkhawmpui an nei dawn a. Heng Pastor Bial Inkhawmpui-ah hian Pastor Bial te hmalakna tur hrang hrang bakah ABC leh Assembly-a thu thlen tur te an ngaihtuah dawn a ni. Bial tam zawk chuan Kohhranpui Rorelna leh BKHP, TKP leh Bial BMP Rorelna te nen Inkhawmpui hi an hmang ang.<<Read More>>
