Mizoram Baptist Kohhran hnuaia Pension thlenga lo thawk tawh, Upa F. Ngunkara chuan tunkar Thawhtanni, March 1, 2021 khan kum 80 mi niin a thi. A thih ni vek hian an chenna In Hnahthial Electric Veng ah bialtu Pastor Rev. H.Lalfakzualaโn a vui liam a ni.
Upa F. Ngunkara hi kum 1940-ah Ngharchhip khuaah a piang a, 1955-ah Baptisma chang in, 1962-ah rawngbawltu atan lak a ni a, Kum 1972-ah Missionary-in Tripura Field-ah a kal a, Evangelism lama a inhman bakah School-ah zirtir hna thawkin St. James H/S ah bultantu leh sulsutu zingah a tel. Missionary a thawh chhung hian Tripura Field bakah Ramchhung Mission โ Chakma te zingah thawkin Tuichawng leh Chawngte-ah te a awm bawk. Kum 2006-ah Kohhran upa-ah nemngheh a ni.
[caption id="attachment_18392" align="aligncenter" width="474"]
St. James H/S pawhin Upa F Ngunkara vui laiin ama pualin hun an lo hmang ve bawk[/caption]
Missionary atanga a pension hnu-ah pawh Bial leh Tualchhung mai bakah Headquarters thleng in Committee peng hrang hrangah te telin Bible society rawngbawlnaah pawh theihtawp chhuahin chanvo pawimawh tak tak a chelh zui a ni.
Mizoram Baptist Kohhran chuan Missionary ropui Upa F. Ngunkara a nei hi a chhuangin a rawngbawlna te a ngai hlu tak zet a, a chanchin leh a sulhnu te hi a hre reng tawh dawn a ni. A kalsan a chhung leh khat, tu leh fa te zawng zawng Lalpaโn thlamuanin awmpui zel rawh se.
[caption id="attachment_18391" align="aligncenter" width="510"]
Upa F. Ngunkara (1940-2021) : May his soul Rest In Peace[/caption]
