BCM Assembly 2012-in Mission rawngbawlna kum 75-na champha (Platinum Jubilee) lawm ni se tiin a lo rel angin Mission Board Meeting chuan Mission Platinum Jubilee lawm dan tur ruahmanna siam turin BCM Puipa te bakah Mission Coordinator leh Mission Promoter te a ruat a. A hnuaia mi ang hian ruahmanna chu siam a ni a. Mahni Area/Bial/Tualchhung Kohhran puala bawhzui ngai apiangte lo bawhzui turin kan hriattirin kan ngen a che u.
1. BCM Mission Platinum Jubilee, Kohhran pumpui huapa lawmna (Main Celebration Programme) hi Serkawn Pastor Bial Serkawn Biak inah neih a ni ang a.
2. Jubilee Lawmna Main Celebration Programme hi Missionary Conference nen a rualin March 20-23, 2014-ah hman tur a ni.
3. Thupui atan “Lalpan thil ropui takte min tih saka kan lawm hle a ni” Sam 126:3 thlan a ni.
4. Missionary te chah chhuah vek an ni ang.
5. March 29-30, 2014-ah Aizawl, Lawngtlai leh Hnahthialah Jubilee lawmna inkhawm hi buatsaih a ni bawk ang a. Aizawl leh Lawngtlai-a lawm dan tur chu AAA&DC leh LAA&DC–in mawhphurhna an la ang.
6. Hnahthial-ah chuan North leh South Pastor Bial-in Joint Committee dinin mawhphurhna la se. An first meeting-ah chuan Headquarters hotu ten telpui se, tih a ni.
7. Aizawl, Lawngtlai leh Hnahthialah te hian kan missionary te sem darh tur an ni ang a. Celebration programme-ah hian chanvo pawh a tam thei ang ber missionary te pek ni se, Celebration Committee-in hei hi tha an tih anga
8. Kan missionary lo chhuak zawng zawngte hnenah hian Jubilee gift pek theuh tum ni se, Main celebration programme-a pek tur hi a thlengtu bial leh headquarters inbiak ni se, Aizawl, Lawngtlai leh Hnahthial-ah hian Organizing Committee-in a ngaihtuah ang.
9. BCM Recognized Missionary-te pawh an mahni sen so-a lo tel tura sawm ni se.
10. Jubilee pual hian Mission Compendium peih hman tum ni se. Hei hi Headquarters lamin mawh an phur ang.
11. Tualchhung Kohhran, Main Celebration programme (March 20-23, 2014 Serkawn) leh March 29-30, 2014 Aizawl, Lawngtlai leh Hnahthial-a tel ve remchang lote tan he mi ni vek hian mahni tualchhung Kohhran theuh-ah Jubilee lawmna programme siam ve ni se.
12. Platinum Jubilee hriat rengna mawi taka ziak Headquarters Mission Compound-ah tar ni se. Tualchhung Kohhran pawhin Jubilee hriat rengna ziak Biak in-ah emaw a remchan dana tar theuh tum ni se.
13. Kum 2014 Assembly, ABC leh Bial Inkhawmpui thupuiah leh Beirual Thuzir turah te Mission lam hawi thlan ni se.
14. Mission lama BCM in kan rawngbawlpui (Partners) eg. BWA, BMS, GIA, SIM, etc. sawm ve ni se.
15. Detail Programme chu a dawn hnaih deuh-ah la siam tur a ni ang.
