Nimin, July 25,2019 (Ningani) khan Mizoram Baptist Kohhran, Mission Board Committee Meeting, Sap Upa leh Pu Buanga Hall, Serkawn-ah neih a ni a. Meeting hi BCM President Rev. PC Liandula’n a kaihruai a. Rev Dr.C.Vanlaldika, AGS i/c Mission-in kumin chhung Mission rawngbawlna report tlangpui a pek bakah Cambodia-a thawktu Rev J.Lalduhawman rawngbawlna report a pe bawk.
Vawiin-a Mission Board Committee meeting-ah hian Area supervisor tur mi 6, Rabha Area, Boro Area, Rajbongsi area, Mishing area, Sikkim Area leh Apatani area atan ruat thar chungchang ngaihtuahin Mission Committee-a chhawp chhuah turin dah a ni a, BMS Tuichawng leimin tuar tanpui nan cheng nuaikhat pek remtih a ni a, Missionary Furlough Deputation dilna leh BMS Chawngtelui-ah thawktu dah belh chungchang the ngaihtuah a ni bawk.
AGS report-in a tarlan danin BCM hnuaiah hian Mission Field leh Station 21 awm mekin, thawk 1297 kumin, 2019 January – June chhung khan ring thar 1227 neiin, Kohhran thar 15 an phun tawh bawk.
