Christian Hospital Serkawn[/caption]
Vawiin, September 27, 2019 10:30 khan BCM Committee Hall,, Serkawnah Medical and Health Department Committee Meeting neih a ni a. Meeting hi Rev. R. Lalbiakliana, AGS i/c Service-in kaihruaiin Medical Superintendent Upa Dr. Lalramzaua’n report tlangpui a pe bawk.
Tun tum Meeting-ah hian Medical Doctor Post hnawhkhat tura Advertisement chhang te interview neiin hna diltu Dr. H. Laldinthara, MBBS, S/o H. Vanlalsiama (L), Bungkawn, Aizawl chu lak a ni. Ani hian October 1, 2019 atangin a hna hi a zawm ang.
[caption id="attachment_14962" align="aligncenter" width="429"]
Christian Hospital Doctor thar - Dr. H. Laldinthara[/caption]
Kum 1923–a din, Mizorama Mission Hospital hmasa ber, Christian Hopital, Serkawn-ah hian Khum 100 awmin Doctor specialist 4, Medical officer 7 leh Dental Surgeon 2 nên thawktu 154 an awm mêk a. Doctor PG zirlai 1, MBBS zirlai 2 leh Post Basic Diploma Nursing zirlai 4 te deputation leh sponsored-in an kal mêk bawk. Kum 2018 chhung khan mi 23,158 OPD-ah en an ni a, heng zinga mi 3607 admit an ni, nau piang 499 an nei bawk.
