BCM leh ECM hruaitute (27.07.2014)[/caption]
Evangelical Church of Maraland (ECM) chuan Mizorama Kohhran lian pahnih Mizoram Presbyterian Church (Synod) leh Baptist Church of Mizoram(BCM) hruaitute nen Pathianni January 18, 2015 hian ECM Headquarters, Saiha-ah inkawmhona neihpuiah a sawm angin Kohhran pahnih hruaitute hi Saiha panin Inrini hian an kal dawn a. PCI leh BCM hruaitute hi mi pariat vel ve ve kal turin an inbeisei a ni. Pathianni hian Saiha-a ECM Kohhran hrang hrang-ah sem darhin rawngbawlna an nei ang a. Pathianni chawhnu-ah inkawmhona neiin Zan lamah pawh Kohhran hrang hrangah rawngbawlhona an nei leh ang. Thawhtan lamah anmahni hmun theuhah an haw leh dawn a ni. BCM hruaitute hi President Rev. H. Sangchema hovin, President Elect, Rev. C. Ngurhnema, AGS i/c Service Rev. Lalbiaksanga leh Headquarters hruaitu dang leh Saiha bialtu Pastor ten an tawiawm ang.
Evangelical Church of Maraland(ECM) hruaitu te hian Zaipawl hruaiin Serkawn-ah BCM hruaitute nen inbiakna neiin an lo kal tawh a. July 27, 2014 (Pathianni chawhnu) dar 2:00 khan Sap Upa leh Pu Buanga Hall, Serkawn-ah BCM hruaitute leh ECM hruaitute hi inkhawmhona an lo nei tawh a ni. ECM hruaitute chuan – “Presbyterian Church of India (Mizoram Synod) leh Baptist Church of Mizoram (BCM) inkarah thawhhona tha a lo awm leh theih nana in palai tawn leh turin hma lak ni se” ti-a ECM Assembly-in a lo rel bawhzuina a ni tih sawiin, “Mizorama Missionary din Kohhrante-ah hian inlaichinna tha a awm leh theih nan hma i la tlang ang u,” tiin kan rawn ngen che u a ni an ti. BCM General Secretary, Rev. H. Lianngaia chuan, ECM hruaitute chungah lawmthu sawiin, an hmalakna chu BCM chuan lawmawm a tih thu a sawi a, BCM chu Mizorama Kohhran hrang hrangte inunauna tura thawhho zel a inpeih reng thu a sawi bawk. Hemi thu bawk keng hian Mizoram Presbyterian Church(PCI) Headquarters, Aizawl pawh tlawh tawhin PCI hruaitute nen an lo inkawmho tawh a ni. Related links..
Tun tuma Kohhran Pahnih hruaitute inkawmhona neihpui tura an sawmna chhan pawh hi hemi thu bawk hi sawipuia inbiak pui a tum a, hei hian rah tha leh lawmawm tak a chhuah theih nan Kohhranhote pawhin tawngtaipui ang u.
