BCM Assembly Executive-in a lo passed tawh bawhzuiin, Champhai Grape Grower Soceity(CGGS) leh Baptist Church of MIzoram(BCM) te chuan a bika Saramental Wine CGGS an siam tir hman tur chungchngah ni 11th Nov, 2016 khan Sap Upa leh Pu Buanga Hall-ah CGGS hruaitute leh BCM puipaten inremna(MoU) an ziak ta.
He MoU ziak chhan-ah chuan “Kohhran hoten Lalpa zanriah atana kan hman (Element) wine hi grape tui dik tak, a bik taka siam hman kan duh avangin, Champhai Grape Growers’ Society chuan BCM Administrative Committee Meeting No. 83-a chuan Sacramental Wine siam tir a. Baptist Church of Mizoram leh Champhai Grape Growers’ Society(CGGS) te chuan inremna (MoU) chu November 11,2016 hian a siam ta a ni tiin inremna point sawm pakhat(11) chu ziak a ni. Inremnaah hian hman tan hun ziak a ni lo va, Society leh BCM lam inpeih chhuah veleh hman nghal mai theih a ni ang.
He Inremna hi kum 2 atan a ni a, Inremnaah chuan Gape tui hlang (100%) Grape raw material atanga siam a ni ang a, Bottle khat Rs. 100/- man a ni ang. MoU hi harsatna avanga tihtawp duhna a awm chuan Party pahnih (BCM & CGGS) te remtihna Agreement term tawp hma pawha tih tawp theih a ni ang.
