Mizoram Baptist Kohhran, Social Concern Department chuan Mizoram-ah phalna neia Zu dawr hawn a lo ni tak chungchang thu-ah chanchinbu mite hnenah ngenna siamin Zu dawr leh a kaihhnawih thil puanzar thu-ah fimkhur turin MJA kaltlangin a ngen.

BCM Social Concern Department-in Mizoram Journalist Association hnena ngenna a siamah chuan – Zu dawr hawn chungchang thu leh an hralh chhuah dan te, zu man pawisa an hmuh zat thlenga chanchinbu thenkhatin an lo chhuah tawh thin thu sawi langin, heng te hian thalaite leh midangte pawh a hip belh thei ang tih a hlauhawm thu a sawi a, hun lo kal zel turah chuan Zu dawr chungchang leh a kaihhnawih te kan chanchinbu ten chhuah tam lo turin a ngen a. Zu dawr leh a kaihhnawih chhuah ngai a lo awm a nih pawhin zu rui te hrem dan te, zu lei phalna nei ten phal chin bak an lei thin a that loh zia te, zu dawr nghaktute pawh-in rinawm leh rintlak taka an tih a tul zia te ziak tel thin turin a ngen a ni. He ngenna hi Rev. Lalbiaksanga Chinzah, Associate General Secretary, i/c Social Concern Department in Mizoram Journalist Association hnenah a thawn a ni.