Tunkar tawp leh karleh lama BCM hruaitute programme hrang hrang, kan hriat theih te:

President & General Secretary New Delhi-ah:
[caption id="" align="alignleft" width="150"] Rev.H.Liangaia[/caption]	BCM President, Rev.F. Sangvela, General Secretary, Rev.H. Lianngaia leh Property Manager, Pu Victor Lalrinawma Sailo te chu August 20, 2013 (Thawhlehni) a Baptist Church Trust Association (BCTA)meeting, New Delhi-a tel turin tunkar Inrinni hian an Headquarters atangin an chhuak ang. BCTA hi India rama BMS sulhnu enkawl zuitute an ni a, tun tuma meeting-ah hian New Delhi-a Baptist House sakna tur hmunte pawhrawn tichiang thei tura beisei a ni.	[caption id="" align="alignright" width="135"] Rev.F.Sangvela[/caption]
AGS i/c Mission Assam Field leh Bengal Field-ah:
[caption id="attachment_3055" align="alignleft" width="150"] Rev.Dr.K.Lalrinthanga[/caption]	Rev.Dr.K.Lalrinthanga AGS i/c Mission chu Guwahati, Birpara leh Debitola hmuna kan missionary te programme hrang hrang hmanpui turin naktuk, August 16, 2013 (Zirtawpni) khian a zin chhuak dawn a. Shillong-a ZPMBK bial huap Mission Convention a hmanpui zawh August 27, 2013 ah a lo haw leh hman beisei a ni.
AGS i/c Service Programme
[caption id="attachment_3056" align="alignleft" width="150"] Rev. Lalbiaksanga Chinzah[/caption]	AGS i/c  Service, Rev. Lalbiaksanga Chinzah  chuan tun hnaia BCM R&D hnuaia Zo-Clinic programme-a techinician training chhuakte chu naktuk August 16(Zirtawpni) khian inkhawm tawi neihpuiin Certicate a hlan ang a, tunakar Pathianni (August 18) hmang hian Haulawng bialah a kalin,  bial chhung Kohhran/Biak in hrang hrangah rawngbawlna a nei ang.

Executive Secretary-te programme:

Rev.F. Ramdinmawia (Executive Secretary, Lawngtlai) chuan tunkar Inrinni (August 17) khian Lawngtlai vengpui Kohhran hruaitute Seminar a neihpui dawn a; Pathianni Theological Education Sunday Chawnhu Kohhranah thu a sawi ang. Rev.Dr. V. Laldingliana, Executive Secretary,Aizawl Pawhin tunkar Inrinni hian AADC meeting neiin, Pathianniah New Secretariat-ah thu sawiin zan lamah Aizawl Central Church-ah hun hmang ang.

Christian Education Director

Christian Education Director, Rev.V. Vanlal-chhunga chuan Lunglei Bazar veng Kohhran –ah tunkar Inrinni hian Sunday School Seminar an nei dawn.

Communications Director leh Editor Guwahati-ah:

Communications Department Director, Rev.V. Vanlalchhunga lehkanEditor, Upa KMS.Dawngliana te chu nakum BCM Calendar leh Diary buaipuiin karleh thawhtan hian Guwahati an pan ang.

 Evangelist-te Rawngbawlna:

Mizoram For Christ team (Speaker : Upa Tlangmawia) te chuan Lunglawn Kohhranah rawng an bawl mek.

Ebenezer Ministry (Speaker :Evan.LH.Vanlalmawii) te chuan Rawpui Kohhranah rawngbawlna an nei mek

Gospel Messengers team (Speaker :Upa B. Lalthanliana) ten Bualte Kohhranah rawngbawlna an tan.

Mizoram Evangelical Ministry (Speaker :Upa R.L.Thianghlima) te Tawipui South Kohhranah Camping an nei tan a.

Kraws Thupuangtu team (Speaker :Evan. Vanlalengmawia Sailo) ten Saiha Vengpui Evangelical Church of  Maraland Kohhranah Camping an la nei mek.

Gospel For All team (Speaker :Upa F. Lalnuntluanga) te’n Thaizawlah Vantlang Camp an nei.

Evangelical Revivalistic Ministry (Speaker :David H. Lallawmkima) ten Lawngtlai Immanuel Kohhranah Intermidiate chin hnuai lam pual Camp an neihpui.

Chanchin Tha Chhuangtu team (Speaker :Evan.K. Lalenga) ten Zobawk Venglai Kohhranah Camping an nei.

................