Hun hmasa lamah Rbt R. Zosangliana, Principal, BHSS-in Pathianthu chhiarin tawngtaina a nei a, Nl. B. Lawmsangpuii, Baptist Literature Service-hnen atangin fakna ha ngaihthlak a ni. Pu Lalruatkima, Administrative Officer-in Department hrang hrang atanga kal te din tirin inhmelhriattirna a nei a, thawktute tana hriat tur pawimawh te a puang nghal bawk. Hemi zawh hian Nl. Lalnunpuii Khiangte, Christian Hospital Serkaw-in fakna hla sa-in, Rev. L. Vanlalsanga, Director Eductation Department in thawktu kalkhawmte fuihna thucha sawiin, Pathian rawngbawltu nihna leh rawngbawl chhan te hre renga, rinawm tak leh taima taka mahni hnathawh theuh te thawk tura inpekna thar nei tura fuih in, inhlantharna neiin tawngtaihona neih a ni. Baptist English School, Serkawn-a thawktute atangin Group zai ngaihthlak a nih hnu ah Inhlanna hla - "I hnenah ka inpumpek e" tih chu sakho a ni a, Rev. H. Vanlalruata, Manager, BCO-in Malsawm tawngtaina-in Inhlantharna Inkhawm a khar ta a ni. He hunah hian Headquarters, Lungleia thawktute mi 300 chuang zet inhlantharna hunah hian an tel thei a ni.