May 12, 2022 (Ningani) chawhnu dar 2:00 khan Zomuan Park-ah General Meeting leh kum 2022-2025 chhung atan hruaitu thlanna hi Headquarters Office thawktu te hian an nei a. Upa R. Lalbiakmuana, Chairman in tanna hun hmangin Pathian hnena inkawltirna a neih hnu-ah Secretary, Upa K. Lalrohlua’n Staff Welfare report tlangpui pe-in, Pu B. Hmingthanmawia, Treasurer-in sum dinhmun report a pe bawk. 
Hemi hnu hian Welfare Fund chungchang leh chhiatni/thatni a sum sen zat tur bithliah te, Annual Membership Fee pek dan tur te sawiho a nih hnuah General Secretary, Rev. R. Lalbiakliana kaihruaina-in kum 2022-2025 atana hruaitu thlanna neih zui nghal a ni a, Hetiang hian hruaitu thar thlan a ni: Chairman-ah : Upa R. Lalbiakmuana Vice Chairman-ah : Upa Lalbiakthanga Chawngthu Secertary-ah : Pu R. Lalhlimpuia Asst.Secrcetary-atan : Pu Lalthankunga Sailo Treasurer-atan : Nl. K. Lalramthianghlimi Fin.Secretary-ah : Pi Angel Zairimawii te thlan an ni.
Inthlanna neih zawh hian Fellowship hlimawm tak neih zui a ni a, Rbt. B, Singpari’n Tawngtaina-in programme a khar a, chawhlui kilho nghal a ni. Tun dinhmunah BCM Headquarters Office ah hia thawktu 69 an awm mek ni.
