May 4-6, 2023 khan BCM Edenthar, Serchhip chuan an Kohhran kum 25 tlinna (Silver Jubilee) an lawm a. May 4, Ningani zanah Kohhran Jubilee hawnna Inkhawm neiin, Serchhip Pastor Biala Bialtu pastor lo ni tawh te leh Pro.Pastor lo awm tawh te hnen atangin chibaibukna ngaihthlak a ni a, Upa Zoramthanga, Kohhran Chairman-in thuchah sawiin, Inkhawm banah Biak In hlui tlang-ah Jubilee meidet a ni.
May 5, Zirtawpni chawhma dar 11:00-ah Jubilee dar vuak leh Monument hawnna neih a ni a, Bialtu pastor Rev. Laltanpuia Colney-in Monument a hawn hnu-ah Biak Inah Inkhawm neih zui a ni a. Bialtu pastor-in thuchah sawiin, Bial Zaipawl leh Edenthar Kohhran Zaipawl, BCM Serchhip Kohhran Zaipawl te leh Zaipawl Infin-in hla an rem bawk. Chawhnu lamah Inpawlhona leh Zan-ah Pathian biak Inkhawm neih chhunzawm leh a ni bawk.
May 6 (Inrinni) chawma dar 11:00-ah Biak In hawn Programme hman a ni a, General Secretary Rev. R. Lalbiakliana’n Biak In hi hawngin Pathian hnenah a hlan a, Lawmthusawi Inkhawmna leh Biak In hlanna Inkhawm neih zui nghal a ni. Inkhawm hi Bialtu pastor Rev. Laltanpuia Colney-in a kaihruai a, General Secretary-in thuchah sawiin, Zaipawl 4 - Serchhip Pastor Bial Zaipawl, New Serchhip Bial Zaipawl, Edenthar Kohhran Zaipawl ten hla an rem a, Kohhran Secretary hnen atangin Biak In sak dan report tlangpui ngaihthlak a ni bawk. Chawhnu-ah Inpawlhona neiin tlaiah Jubille lawmna leh Biak In thar lawmna ruai theh a ni.
