Khawvel pum huap Baptist Thalai  Pawl Inkhawmpui lian  Baptist Youth World Conference -a Mizoram Baptist Kohhran aiawha kal tur MTKP hruaitute leh BCM Choir te chuan July 13 hian Lunglei chhuahsanin Singapore lam an pan dawn ta.

Conference hi July 17-21, 2013 chhungin Singapore-ah neih a ni dawn a. Kan aiawha kalte hian July 16 zing dar 2-ah Kolkatta atangin India ram an thlawh chhuahsan ang a, July 24-ah an lo kir leh ang. Tun tumah hian kan zaipawlte hian zaina hun an chang tha hle a, Opening Ceremony leh a tawp zan (Closing Ceremony) bakah Seminar-ah vawi khat an zai bawk dawn a ni.

Zaipawlte hi member 22 (mipa 10 leh hmeichhia12) an ni a, MTKP hruaitute 2 leh mahni sensova kal 6, an vaiin 30 an ni ang. BCM Choir te hi an inbuatsaihna a tha a, an kal hma hian Lunglei khawpui chhung Kohhran hrang hrang 15 tlawh tawhin Kikawnah leh  Serkawnah rawngbawlna an nei leh ang a, a vaiin Kohhran 17 an tlawh dawn a ni.