Khawvel pum huap Baptist Thalai Pawl Inkhawmpui lian Baptist Youth World Conference -chu nizan atang khan tan a ni ta a. Mizoram Baptist Kohhran aiawha kal, BCM Choir leh MTKP hruaitute bakah mahni insengsova kal te nen mi 30 te pawh dam takin Singapore an thleng a. Nizan-a Opening Ceremony-ah minute 8 chhung hun pek niin tha takin an zai a, Mizo hnam inchei in Cheraw kan leh Pathian fakna hla sain hun an hmang.
An Programme duan lawk ang chuan Vawiin Seminar-ah an zai leh ang a, Zirtawp zan Kharna inkhawm-ah Minute 8 hun pek an nih angin an inlan leh bawk ang. Tichuan July 22-ah Singapore chhuahsanin Mizoram an rawn pan ang a, July 24, 2013(Nilaini)-ah Lunglei lo lut hman tura beisei an ni.
