Mizoram Baptist Kohhran hian Mau tam lai atang tawh khan a theih ang angin Chhawmdawl ngai leh chhiat tawkte tanpuina a pe thin a, heng zawng zawngah hian thleibik a nei ngai lova, tanpuina pek dan (cash & kind) ah pawh BCM chuan tumah a thliar hrang ngai lo a ni.

Kuminah hian Mizoramah chhiatna kan tawk  nual a, Kohhran, NGO, leh zirlai pawl hrang hrang ten tanpuina an pe hlawm a, a lawmawm em em a ni. Harsatna tawkte tanpui thuah tumah thliar hranglovin, inang tlangin BCM chuan a pe thin a. Kohhran hausa kan nih loh avangin chhiat tawk zawng zawngte kan tanpui vek thei lova, pek pawh kanpe tam theilo a ni.

Saikhum-phai chhiatna thlen lai kha kan hotu pawimawhte an awm remchan loh lai a ni a, kanBialtu Pastor-in lo tlawhin tanpuina pek thuah,  “mahni pawl chauh tanpui”  tiin Media lamah te a lo lang a.  Hei hi BCM kalphung ni lovin mumal taka rel hman loh anih  vang a ni. Saikhum phai boruak kha a danglam deuh va, tanpuina pek phal lo pawlte an lo awm a, a boruak a chiri a, committee-ah pawh rel mumal lovin  tun hi kan thleng ta a ni. Saikhum phaia harsatna tawkte BCM chuan a hre reng a, khatiang harsatna kha Mizoramah thleng tawh lo se kan ti hle a ni. Tin, chhiatna tawk leh tanpui ngaite tanpui kawngah kan rama mi hausa kan neihte hian  tun aia nasa-in tan han la sela tih pawh kan duh hle. Chhiat tawk leh tanpui ngaite tanpuina kawngah tan i la zel ang u.

Issued by:  Relief & Development Department, Baptist Church of  Mizoram.

.....................