Assembly 2020 Rorel Inkhawm[/caption]
Mizoram Baptist KohhranRorelna Sang ber, BCM Assembly vawi 124-na chu March 4, 2020 (Nilaini) zan atang khan BCM Biak In, Rahsiveng, Lunglei-ah “Din thar lehna” tih thupui hmangin neih mek a ni a, hriat theih chinah palai 1065 an kal a, vawiin thleng khan in report hi an la awm a ni.
Assembly tan zanah Assembly hawnna Inkhawm neih a ni a, BCM President Rev. PC. Liandula'n Inkhawm kaihruaiin, Assembly hawnna a nei nghal a. Rev. F. Ramdinmawia, General Secretary-in Assembly palaite lawmna nei in BCM Report tlangpui a pe a, Rev. Vanlalmuankima'n Assembly Thupui 'Din thar lehna' tih thupui sawihawnna a nei bawk.
[caption id="attachment_15934" align="alignright" width="265"]
Assembly Chairman/President inthlak lai[/caption]
Vawiin, March 5, 2020 (Ningani) zing dar 9:30 khan Rorel Inkhawm tan a ni a. Rorel inkhawm hi Rev. PC. Liandula, BCM President-in kaihruaiin, Devotion hun a hman zawhah BCM President Elect Rev Dr. K. Lalrinthanga hnenah President nihna hlanin, President thar hian Rorel a kaihruai nghal a ni.
Hun hmasa lamah President Elect thlanna neih a ni a. Nomination Committee-in President Elect atana Nomination a siam mi panga atangin Rev. Dr. V. Laldingliana chu President Elect atan lungrual taka thlan tlin a ni. BCM Constitution-in a sawi angin kum 2021-2021 chhung President Elect niin, 2021-2022-ah BCM President a ni zui dawn a ni.
Tun tum Assembly ah hian Department hrang hrang atanga thulut bak ah, Area Baptist Council (ABC) atanga thu lut 22 ngaihtuah a ni a. Pastor Bial thar 3 hawn ruahmanna ngaihtuah a ni bawk. Thu ngaihtuah tur chhawpchhuah (Agenda) leh Assembly pawmpui tura thlen langsar zingah - Fiance Committee atanga thu lut - Temporary post-a awm mek mi 37 Substantive post-a hlankai thu te, Post ruak 28 hnawhkhah dilna te, post thar 15 hawn dilna thu te niin, Service Committee atangin Baptist Higher Secondary School, Serkawn-ah Sociology Department hawn tura ruahman thu te, Aea Baptist Council(ABC) atanga thu lut atangin BCM Cancer Mission din rawtna te, Andaman Mission Station chu Mission Field atana hawn rawtna te, Christian Hospital Clinic Falkawn tihchangtlun rawtna te, State Day of Prayer kum tina hman rawtna te chu thu langsar zual an ni bawk. Heng bakah hian kum 2020-2021 Budget ruahman te an thlir ho bawk ang.
Assembly chhung hian zantin Pathian Biak Inkhawm awmin, zingkarah Bible Study leh Tawngtai Inkhawm neih thin a ni bawk. Pathianni Zing Inkhawm chu Pastor Ordination Service atan hman a ni ang a, Pathianni chawhnu-ah Lalpa Zanriah (Sacrament) inkhawm awmin Pathianni zan Inkhawm banah Assembly hi an tiak ang.
Assembly 2020 Prorgamme
