Mizoram Baptist Kohhran Rorelna sang ber – BCM Assembly vawi 126-na chu March 9-13, 2022 hian BCM Biak In, Gilgal, Theiriat Pastor Bial-ah neih a ni dawn a, kumin Assembly Thupui atan hian “Min tir ta che” (Isaia 6:9 )  tih a ni ang.  

A dawltu Theiriat Bial te, Headquarters Office leh a thlengtu Gilgal Kohhrante pawh an in peih tawh hle.

[caption id="attachment_20780" align="alignright" width="300"] Office Staff[/caption]

March 9 (Nilaini) hi Thlenkim Ni niin  Registration tih nan hman a ni ang a, a tuk, March ni 10 atanga ni 12, (Ningani atanga Inrinni) thlengin chhun lamah Assembly Rorel Inkhawm neih thin a ni ang. Zan lam Inkhawm leh Zing kar Bible Study chu Covid hrileng avangin neih a ni dawn lo va, Pathiani zing Inkhawm-ah Pastor 9 ordain an ni ang a, Pathianni chawhnu-ah Lalpa Zanriah kilhovin Assembly an tiak ang. (Download Assembly 2022 Programme)

Kumin Assembly hi Covid hrileng avangin Constitution-in a sawi angin Rorel palai kal thei tur a bithliah angin palai kal a rem dawn lo va, Administrative Committee chuan ruahmanna siamin palai tur te hi Ex-Officio member te(Minister, AEC Members, Head of Dept. ect), ABC aiawh pahnih theuh leh Tualchhung Kohhran aiawh pakhat theuh an kal dawn a, heti chung hian Rorel palai tur hi 800 vel beisei a ni.

Theiriat Pastor Bial chuan Palai zawng zawng te an Bial chhungah innghata, thleng vek turin an sawm a, hetiang hian palai te thlen dan tur leh Counter in reportna tur an ruahman a, Palai turten kan hriat theih nan kan han tarlang ang e:

Biak In Kawt Counter

Counter No. 1-ah :  Aizawl’N’  ABC leh Serchhip ABC te Counter No. 2-ah :  : Aizawl’E’ ABC leh Buarpui ABC te Counter No -3 -ah : Lunglei ‘W’ ABC leh Tuithlang ABC te in report tur a ni ang a

Hrangchalkawn atanga luhna lama counter hmasa zawk

Counter No -3 (Tuithawveng) -ah: Lawngtlai ABC leh Diltlang ABC te Hrangchalkawn lam atanga luhna Khaw chung panna peng Counter No. 5-ah : Hnahthial ABC, Phawngpui ABC leh Lunglei ‘E’ ABC te Mual chung) Counter No. 6-ah : Lunglei ‘N’, Lunglei ‘S’ leh Tlabung ABC te in report tur a ni ang.

Kohhran Office :

BCM Hqrs. Office hi Biak In hnuai chiahah dah a ni dawna, a dawr duhte chuan pan mai tur a ni. Palai thlenkim ni hian Lunglei town chhung atanga palai turte pawh registration ti nghal vek tur leh palai thlenna tur neisate pawhin Registration tihna counter theuhah an thlen in hriattir nghal turin a dawltu Theiriat Bial te chuan an ngen a ni