November 27, 2019, Chawhma dar 10:30 khan BCM Committee Hall, Serkawnah BCM Administrative Committee an thukhawm. Meeting hi Rev. Pc Liandula’n a kaihruai a, General Secretary – Rev. F. Ramdinmawia’n Agenda leh thil hriat tur pawimawh te a sawifiah bawk.
He Meeting-ah hian thu pawimawh tak tak an ngaihtuah zingah – Asia Pacific Leaders Summit May 12&13,2020 a Bangkok-ah neih neih a ni dawn a. BCM President leh General Secretary te chu Member body an nih angin kal tura hriattir an ni a. Heta sum sen ngai leh tul te lo chhut chhuakin Finance Committee-ah thlen ni se tih a ni.
BCM Service Rules-in temporary Post a thawkte Substantive Post-ah hlan chhoh zel a, Temporary Post tih bo dan a ruahman angin tunah Temporary Post thawk lai mi 59 te chu Substantive Post-ah hlankai vek ni se tih a ni a, Tin, Department hrang hrang a Contract Worker mi 300 te rawih zawm leh dilna pawh ngaihtuahin rawih nawn leh remtih a ni bawk. Sunstantive Post-a mi 59 hlan kai tur te avanga sum sen belh ngai te nen Finance Committee-ah thlen ni se tih a ni.
Kum 2020-2021 term atan Mizoram Kohhran Hruaitu Committee (MKHC) Executive member atan BCM aiawh tur mi pathum – Rev. Dr. R. Lalthanmawia, Rev.JC Vanlalluaia leh Upa. JL Thangluaia te an ruat bawk.
He Meeting hian MKHC-in “Kan rama sualna lo pung zel a reh theihna tura ram pum huap tawngtai December 14&15, 2019 neih ni se” ti-a an rawn thlen chu zawm ve ni se an ti a, Kohhran tinah hriattirna lehkha in pek hman a nih tawh loh avangin Baptist Today-ah chhuah ni se, a theih ang angin puanzar ni se an ti bawk.
