Tunkar Thawhtanni, June 6, 2022 atang khan Headquarters Area te, Lawngtlai Area leh Aizawl Area –a BCM Financial Account (2021-2022) Audit a ni a, ruahman ang chuan chawlh kar khat-chhunga zawh hman beisei a ni.

Headquarters Area Audit hna hi Sap Upa leh Pu Buanga Hall, Headquarters Office Serkawn ah June 6 chawhma dar 10:30 khan Assembly-in Intenal Auditors atana a ruat ten -  Head of  Department te, Head of Institutions te leh an Accounts  enkawltu te ko khawmin Audit Entry Meeting an neih pui a. He hun hi Fianance Director Upa K. Lalrohlu-a’n a kaihruai a. Rev. R. Lalnunzira, AGS – Service-in Pathian hnena inkawltirna neiin, Account enkawltute leh Auditors te hnenah lawmthu sawiin, dik tak leh tha taka sum vawn a nih theih nan theihtawp chhuah zel turin a fuih a. Hemi zawh hian Finance Director-in Accounts Audit chungchanga hriattur pawimawh leh tul hrang hrang te a sawi hnu-ah Accounts audit hna thawh zui nghal a ni. Headquarters Area hi Ni li chhung Audit hna an thawh hnu-ah nimin, June 9, 2022 khan an zo fel thei a, Assembly-in Audotrs atana a ruat te a tir atanga a tawp thlengin an tel kim thei vek a ni.

Aizawl Area hnuaia Accounts Audit hna pawh June 6, 2022 atang vek khan Baptist House, Aizawl-ah neih tan a ni a, Area huam chhunga Institution leh Mission Station te -  BES Zawlnuam, BCM Comp. High School Damparengpui, Bru Baptist Church Office Damparengpui, Baptist Church School Marpara, AICS leh E.S. Office Aizawl te an ni. Aizawl Area atana Assembly-in auditor atana a ruattte chu: Upa C. Lalhmahruaia (Convener) Zotlang, Rev. Dr. V. Kapenga Central Church, Upa ZD. Lalremthanga Vaivakawn leh Upa T. Lalramzauva, New Sect. Khatla te an ni.

Lawngtlai Area-ah pawh June 6, 2022 atang bawk khan Baptist House, lawngtlai-ah audit hi neiin, Executive Secretary Office, Baptist Printing Press Lawngtlai leh heng School te – Baptist Mission School Longpuighat Betbonya, Nghalimlui Comprehensive High School, Vathuampui Comprehensive High School, Baptist Mission School Hruitezawl, Baptist Mission School Ngengpuitlang account leh CBC Office Accounts te an audit bawk.

Tun tuman hian Headquarters-a Department hrang hrang leh Institution hrang hrang te, Mizoram chhunga Mission Station leh School accounts te, Aizawl leh Lawngtlai Area Executive Secretary Office accounts te audit a ni.