Kum 3 emaw lek (2009) an indan hnuin Bru Baptist Church (BBC) chuan anmahni pualin Beirual Thuzir an nei ve thei dawn ta. Kumin an beirual thuzir hmasa berah hian ‘Kta Khesnam mo’ tih an zir dawn a; Mizo tawng chuan Siam thar lehna tihna a ni. He thuzir hi BBC Executive Secretary, Rev. Lalzuitluanga leh anmahni pastor 3 in an inziaktawm a ni a. Thuzir bu hi BCM General Secretary, Rev.H. Lianngaian August 18 khan a tlangzarh a ni. Tunah hian BBC hi member 15000 chuang an ni tawh.
BCTA Meeting, New Delhi-ah
BCM President, Rev.Dr. Raltawnga, Pastoral Ministry Coordinator, Rev. Lalthangliana Hnamte leh Upa Rosanga Colney, Ramhlun North te chu August 28, 2012-a Baptist Church Trust Association (BCTA) meeting, New Delhi-a neih torah BCM aiawha palai turin karleh Thawhtanni (August 27) khian New Delhi an pan ang.
Pastor bial Pathumah Musical Meets
Tunkar Pathianni hmang hian Pastor bial pathum chuan a rualin Musical Meets an nei dawn.- Zotlang bial (Lunglei) chuan Zotlang North Biak inah an bialtu Pastor, Rev. J. Chalhlira hovin an nei ang.
- Theiriat bial chuan Sethlun Biak inah Rev.Dr.K. Thanzauva hovin an nei ang.
- Lawngtlai East bial chuan Worship & Music Deptt. Director, Rev. R. Lalbiakliana hovin Immanuel Biak inah an nei thung dawn a ni.
MTKP Hruaitute Feh chhuak dawn
Mizoram TKP hruaitute chu tunkar Pathianni hmang hian Pastor bial 4 zetah programme hrang hrang hmang turin an insem darh. Hetiangin:-Kolasib Bial TKP Meet, Kolasib Biak inah Speaker, Rev. Samuel Lalremsanga. Senior Adviser 2- Upa R. Lalduhawma leh Upa K. Lianhmingthanga leh Tv.C. Lalengzuala te bakah Serkawn Bial Zaipawlin an tawiawm ang.
Lawngtlai South Bial TKP Praise & Worship, Chanmari Biak inah Speaker Pu F.Lalromawia. Aizawl City TKP Meet, Luangmual Biak inah Pu PC. Vanlalrova leh Rev.R. Zolawma. Hauruang Unit TKP- Electronic Media chungchang, Resource persons: P. Lalhmachhuana + R. Lalengliana & Ch. Lalremsiama.Bawngkawn Bial BKHP Chawnghei Tawngtai Inkhawmpui
Bawngkawn Pastor bial BKHP chuan August 25-26 hian Ramhlun North Biak inah bialtu Pastor, Rev.JC. Vanlalluaia hovin Chawnghei Tawngtai inkhawmpui an nei dawn a, thupui atan ‘Tho la, I Pathian ko rawh’ tih a ni ang.
Naktuk zanah Zaipawl thlahna inkhawm
Lawngtlai Area Worship & Music Committee buatsaihin Aug.27 zan hian Malaysia kal tur Lawngtlai Area zaipawlte thlahna inkhawm Chanmari Biak in ( L-IV) -ah neih a ni dawn.
Crusade/ Camping Programme
Kan hriat theih chin Evangelist-te rawngbawlna hetiang a ni. Ambassador For Christ (Evan. K. Lawmsanga) Bawngkawn bial Lungmuat Kohhranah. Kraws Thupuangtu team (Speaker: Evan. Vanlalengmawia Sailo ) Penial Kohhran, Saungauah. Ebenezer Ministry (Speaker: Vanlalmawii) Pangzawl venghlun Kohhranah
