November 23,2018 zing dâr 10:00-ah Pathian hnêna hlanna leh hawnna hun hman a ni a ni. He hun hi Upa Biankchungnunga, Office Superintendent-in kaihruaiin Er. Victor Lalrinawma'n Basketball Court siam anih dan te report a pe a, Rev. R. Zohmingliana, AGS i/c Service-in a hawng a, Pathian hnena lawmthusawina neiin a hlan nghal a ni.
he Basketball court thar hi BCM Hotute hmalâknain Baptist Higher Seconadry School bul, Centenary mual sirah siam a ni a. Sawrkâr lama hotute nen tangkawpin Mizoram State Sports Council lam atangin Nuai 17.1 zet hemi siam nân hian hmuh a ni a. Chu chu BCM lamin bawhzuiin Basketball Court tha tak hi siam zawh a lo ni ta a ni.
[caption id="attachment_13248" align="aligncenter" width="720"]
BCM Basketball Court thar[/caption]
Kum 2009-ah khan, BCM Mual lai li takah Basket Ball Court siam a lo ni tawh a. BCM Office leh Serkawn Biak In nen a inhnaih lutuk avang leh BHSS Junior Section kawtkai a nih bawk avangin naupang chevel leh naupang school kal tur hruai motor parking a lo indaih loh tak zel avangin remchanchang zawk leh tha zawk ni-a ngaiin Centenary mual hi zauhin basketball court hi dah a lo ni ta a ni.
