December 10, 2021 (Zirtawpni) chawhnu dar 2:00 khan Baptist Multipurpose Centre, Falkland, Aizawl ami chu a tul ang leh mamawhna anga hman theih turin General Secretary Rev. F. Ramdinmawia chuan a hawng.
Baptist Multipurpose Centre Hawnna Inkhawm hi chawhnu dar 2:00-ah BMC neih a ni a, Rev. R. Lalbiakliana, AGS Service-in a kaihruai a. Upa K. Lalthansanga, BCM Ramthar North-in Pathianthu chhiarin Er.Victor Lalrinawma Sailo, Property Department Director-in Ram lei a nih dan leh hma lak dan tlangpui report a pe a, General Secretary Rev. F. Ramdinhmawia’n a hawngin, Rev. Dr. C. Vanlaldika, AGS-Mission-in thuchah a sawi hnu-ah, Rev. K. Lalrinthanga’n Pathian hnena hlanin a tawngtai a. Nl. Lalhmangaihsangi leh Tv. Zorema Khiangte ten fakna hla an sa bawk. Rev. Dr. R. Lalthanmawia, Executive Secretary, Aizawl Area-in Kalkhawmte hnenah lawmthu sawiin, Rev. Lalbiaksanga Chinzah-in Malsawm tawngtaina-in he hun hi a khar ta a ni.
2021 January Executive Committee-in Falkland ram lei dilna thu leh hemi atan Supplementary budget hman dilna te a pawm hnu-in, Assembly 2021 ah report-in pawmpui a ni bawk. Tunah hian a man pawh pek tlak vek tawh a ni. Hma lak zel dan tur leh a hman dan tur chungchang chu Administrative Committee-in a la ngaihtuah dawn a ni.
Baptist Multipurpose Centre ram zau zawng hi Square Feet 6135 (4.58 Bigha) zet a nih bakah, Concrete Building sak sa, chhawng 4, a dung feet 65, a vang feet 45 a zau a awm a, he building hlutzawng hi cheng nuai 250 vel ni-a chhut a ni a, a ram hi motor kawng-in a kual chhuah leh karcheh, mual pawng rem tak a ni bawk.
