Baptist House, Aizawl chu hun engemaw chen lei tla hniam avanga, luah zui a nih tawh loh hnuah, Sorkar leh Kohhran sum hmanga a theih ang ang a siam tha-in chei that a ni a, Mi thiam ten a dinhmun te zir chiang a, uluk taka an enfiah hnu-ah luah theiha a him tawk thu an nemnghet tawh bawk a ni.

Tunah hian a theih anga hmaa luah luh leh turin ruahmanna kalpui mek zel a ni a. Hemi atana a hmasa ber atan December 11, 2021 zing dar 8:00 khan Pathian hnena Hlan Thar lehna progamme buatsaih a ni ta a ni.

Baptist House Hlan Thar lehna Inkhawm tawi hi Rev. JC Vanlalluaia’n a kaihruai a, Rev. Dr. R. Lalthanmawia, Executive Secretary, Aizawl-in Baptist House siam that a nih dan report tlangpui sawiin, Rev. F. Ramdinmawia, General Secretary-in Pathian hnenah lawmthu sawiin a hlan a, Rev. Dr. R. Zolawma, President Elect-in Tawngtaiin hun a khar ta a ni.

Baptist House, Aizawl ah hian Executive Secretary Office, Executive Secretary Quarter's leh Hall a awm a, Guest Room leh Staff Quarters engemaw zat a awm bawk a ni. Ruahman anga thil kalpui theih a nih chuan kum thar, 2022 hian Office te leh a tul hmasa te chu luah luh hman beisei a ni.